LESHELE 43:3 - Sumi Naga CL (Re-edited) Bible (BSI)

³ O küvü eno kuchou puwulo; tipaqo no I sache pelo; tipaqo no O kimthe toghi eno O kungo-a lo I sasü ighi pelo.

BAIBEL (BSI)

³ Okuvu eno omikucho puwutsulo; tipaqo pelo isaphe pelo, tipaqo pelo okimthe toghi Zion lo isa ighi pelo, ochineki nono achekeu-alo isa wulo.

LESHELE 43:3 Referans Kwoze

LESHELE 36:9

Kughengu aküxü züpuki ye O lau ani; O küvü lono ningu no aküvü ithulue.

John 1:4

Pa lolo aküxüpu ae, eno aküxüpu huno timiqo küvü ke.

LESHELE 143:10

O pulou shinike I shika piyelo, kughengu No ye I Lhou ke! O Ghungu kivi no müdüniyi keu aqa yeghi lo I sache pelo!

LESHELE 119:105

O tsa ye I pukhu lo akulu eno I laghi lo aküvü lakhi ke.

LESHELE 97:11

Aküvü no amikuchomi shou yepuku ke, eno amlo kümzümi shou alovi ke.

LESHELE 84:1

O Aqokitikhi Mpeu, O kungo-a ye kiutoi aghile kela!

LESHELE 40:11

O Ampeu, Nou ye Ow küpükini I launo ikhivemo nani; Ow iqemokeu kikimiye eno pükhükulu no I püxüpe anani!

John 1:17

Kughengu Ayezah ye Moses vecheo tsüke, ikemu küpükini eno kuchou ye Jisü Khristo vecheo ighi.

MICAH 7:20

Nono khaghi no ni puasü lau piqhike toi No ye Jacob lau pükhükulupu eno Abraham lau iqemokeu kikimiye piye nani.

LESHELE 57:3

Pa no kungugha lono puwu no I xalu nani; Pa no I qoda akeu shikukujo nani. Alhou no Paw iqemokeu kikimiye eno pükhükulu puwu nani!

LESHELE 3:4

I no Ampeu vilo ighamku, eno Pa no Pa kimthe toghi lono I khochile tsüe.

MICAH 7:8

I shou alovi akevilo, O I ghümi; kughou I no ikiqiveni keno, ni ye ithughive nani; kughou I no aküzü lo ani keno, Ampeu no I küvü shi nani.

LESHELE 78:68

ikemu Pa no Judah shiaye kisheluve Pa no kimiye chekeu Zion Toghi kisheluve.

LESHELE 46:4

Alhouw mishighüna, Shishe Akiqheu kimthe ghüna-a lo alokivi qoipeighi chekeu ghoki lakhi ani.

LESHELE 42:4

I no I mlo lheju kelo, kishi aqokitikhi gholo wuno panoqo saphesü Alhou kilo tiqhetini pini akeu lo shekujo wuno alovi igha eno shekiqhe le pheche keno thime hipaqo I no kümsülue.

LESHELE 2:6

“I kimthe toghi Zion lo I no I ghenguno Akükau süsüvae.”

YEKIKITHI ATUGHIU 16:1

Panongu no Puloshoqhi Bohu pewo David no tshü püakeu phiki alou ghove, eno akipti kümllagho ngo kuposhukulu kümllagho pesü Alhou zülo qhitsü.

YEKIKITHI ATUGHIU 16:39

David no achineu Zadok ngo pa thiküzümi achinemi pesü Gibeon lo akiqhe-a lo Ampeu pusho akeu lo qhive

SAMUEL AKINIU 15:20

No ye ighina no ighi aphi püzü ishi ye I no khila wucheni keno mthamu ningu gholo o sawuveni keshea? O thiküzümi sasü idewove lo, Ampeuw iqemokeu kikimiye eno pükhükulu o piye penie.”

YEKIKITHI ATUGHIU 21:29

Kughengu hipa ghuloki kutolo Ampeu phiki eno akümlla kiptia khikhi Moses no asaye yeghi lono mla keno, ti ye Gibeon lo akiqhe-a lo acheke,

SAMUEL AKINIU 15:25

Tishino akükau no Zadok vilo pi, “Mishighüna lo Alhouw puloshoqhi bohu xapu ilove lo. Tsala Ampeu nhethe lo I kimiyelu kepu aghi aye, Pa no I sachile ighi no I pelo tipa kungo-a ithulupe nani.

LESHELE 57:4

I ngulho ye abongshuu dolo ani; ni ye mghamichi keu tüghashi dolo ihozü ani— timi nuliqo, panow ahu ye angupa ngo apijiqo ke, pano mili ye azütakikihi kütsügha ke.