LESHELE 40:10 - Sumi Naga CL (Re-edited) Bible (BSI)

¹⁰ Ni ye Ow xakulu pesü I mlo lo küsü püamoe; O pükhükulu eno Ow xakulu ghili I no sheshuve tsüae; ni ye ahoho kije lo Ow iqemokeu kikimiye eno pükhükulu ghili pesü küsüpe püamoe.

BAIBEL (BSI)

¹⁰ Niye nono kuphuno xalukeu sutsa imlolo likhi kusu pesu qhimoe, Owu iqemokeu mikucho ngo okukuphu ino pulhapuju lhe cheni; Owu timi hoholo owu iqemokeu kikimiye eno owu ithamokeu mikucho kusu pesu inaqhoive chemoe.

LESHELE 40:10 Referans Kwoze

LESHELE 34:6

Kumlhomi no ighamku kelo Ampeu no chilutsü eno pa küküpna kümtsü lono xalue.

Piyeküsü 22:17

Aghungu eno külaliu no pi, “Ighilo.” Eno khuu no hipau chiluni keno pa ghi ishi pilo, “Ighilo.” Khukhumu tüghüthi keu no ighilo; khuu no pulo ani keno aküxüpu zü ame sümono lulo.

1 Tim. 1:15

Hi ye pükhübekulupu eno ikhikulupu tsae: Khristo Jisü no axinemi xalu nike ayeghi lo ighikeu gholo ni ye axinemi kümtsü nguno alhoksau ke.

1 Thes. 1:8

Nongu launo Macedonia ngo Achaia lo Ampeu tsa külha woke likhi kumoe, ikemu Alhou lau nongu küpülü akeu ye aqha kümtsü lo wuvae, ikehu ningu ye kiumu pi akepu kühavae.

FILIPIAMI 3:9

püzü pa laumi shilu niye ke, ti ye I mikucho, Ayezah pelu keu lono ighikeu kumono aküpülü vecheo Khristo launo ighikeu, khikhi aküpülü shou bepe acheni keno achipiu-mikucho ti Alhou launo ighikeu huke.

Rommi 10:3

Alhou no timi pelo achipikalupe chekeu kighithi ye kühano pano lotsü lou no shiniye kelono panongu ye Alhou chipiu zülo qhoqhü mlave.

Luke 3:6

eno timi kümtsü no Alhouw xakulu ithulu nani.’”

MICAH 7:20

Nono khaghi no ni puasü lau piqhike toi No ye Jacob lau pükhükulupu eno Abraham lau iqemokeu kikimiye piye nani.

EZEKEL 2:7

Panongu ye hekibide lagha kehu panongu no chiluna monamu no ye I tsa pesü panoqo vilo pilo.

ISAIAH 49:6

Pa no pi: “I no O pelo Jacob shiaye xaqhe eno Israelmi püxü püakeqo sachile saghi peniye I qeu shipekeu ye mthülo ke; ikehu I no o pelo shiyeqo lau aküvü ghi shipeni, tishikeu lono Iw xakulupu no ayeghi shekha tolu peni.”

LESHELE 89:1

I no alholo Ampeuw iqemokeu kikimiye le pheni; O pükhükulu ghili tiqheli kümtsü lo I kichi lono sheshuni.

LESHELE 25:10

Ampeuw puloshoqhi eno Pa shepe papelu kemi laghi ye iqemokeu kikimiye eno pükhükulu ke.

John 1:17

Kughengu Ayezah ye Moses vecheo tsüke, ikemu küpükini eno kuchou ye Jisü Khristo vecheo ighi.

LESHELE 22:26

Aghime kitikhi lo akemi no chulu nani eno aghapiqilu nani; khunono Pa phucheni keno pano no Ampeu sheqhe nani! Nongu mlo alholo xü apeniu!

LESHELE 75:9

Ikemu I no alholo hipau sheshuni; I no Jacob Lhou lau shekiqhe le pheni.