LESHELE 4:4 - Sumi Naga CL (Re-edited) Bible (BSI)

⁴ Amloide lo, ikemu axine shi kevilo; nongu lüpa lo akelo amlo lono kümsü julo, eno iqünhei lo.

BAIBEL (BSI)

⁴ Amlo ide anamu axine shikevilo; nongu zu-alo inaqhoi akelo nongu mlolo hipau tsaqui kumsukutojulo.

LESHELE 4:4 Referans Kwoze

Ephesiami 4:26

Amloide lo, ikemu tino axine shive kevilo; o mlo kighide lono tsüküzü hasü kevilo,

LESHELE 77:6

I no pi, “Putho lo I pelo I le kümsülu pelo; I pelo I mlo lono kümsüputho pelo.” Tileno I ghungu no aghüthi küxü shi phujue:

AHOLE 3:7

O likhi nou no alokütsüu shi kevilo, Ampeu sümsalo eno alhoksa lono tsüghüve lo.

LESHELE 63:6

I no I züa lono O kümsülu, eno putho mta lo O lau kümsüputho acheni;

LESHELE 46:10

“Iqüghai lo, eno Ni ye Alhou kepi ithilo. Shiyeqo gholo I je süqhe nani, ayeghi lo I je süqhe nani!”

2 Kor. 13:5

Nongu ye aküpülü tsüqüpe ani kemo keno nongu ampi chhejulo. Nongu ampi pejulo. Ikeo Jisü Khristo ye nongu lolo anipi kümsü mlano ani kea?—nongu no pekuju lo tomlave aghinike kumo aye tishimo kepue!

LESHELE 33:8

Ayeghi kümtsü no Ampeu sümsa lo; ayeghi lo xüküami Pa zülo khokhoshi puthugho lo!

JOB 28:28

Pa no timi vilo pi, ‘Ampeu sükümsa no alokütsüe, eno alhoksa lono tsüghüve keu no vethakulu ke.’”

AHOLE 16:6

Iqemokeu kikimiye ngo pükhükulu vecheo axine pevetsü cheni, eno Ampeu sükümsa vecheo alhoksa lono tsüghülu cheni.

HABAKUK 2:20

Ikemu Ampeu ye Pa kimthe chineki lo ani; ayeghiqha kümtsü no Pa zülo iqünhei shilo.”

AHOLE 16:17

Akümzümi laghi ye alhoksami launo putou acheni, khuu no pa laghi jukutoni keno aküxü pükhalu cheni.

LESHELE 119:161

Kükapumi no kütsazü lono I pishipuju ke, ikemu I mlo ye O tsa msaqhiyi acheni.

LESHELE 3:4

I no Ampeu vilo ighamku, eno Pa no Pa kimthe toghi lono I khochile tsüe.

LESHELE 2:11

Msaighü ghi Ampeu qelo, eno khokhoshi alovilo.

JEREMIYA 5:22

Nongu ye Ni msamo keshea? Ampeu no asheshu. Nongu ye I zülo khokhoshi chemo keshea? I no asaye pesü azüghi lughi shi, ti vechemla kepushi alhokuthu ghuthu shi; azü fukucho ighimu ti veche mla; mqhumza igha namu veche mlae.

LESHELE 3:2

kutomo no I ghili piani, “Pa ghenguno Alhou lau xakulupu kühae.”

LESHELE 17:6

I no O ku ani, kughengu No ye I khochile nani, O Alhou; O kini I lau kugho puwolo; I tsa chilu tsülo.