LESHELE 37:34 - Sumi Naga CL (Re-edited) Bible (BSI)

³⁴ Ampeu ngokhe lo eno Pa laghi papelu lo, eno Pa no o xaqhe no ayeghi ighi lupe nani; kixikilami ikhive keu nono ithulu nani.

BAIBEL (BSI)

³⁴ AMPEU lau kheakulu shilo eno pa la zusu wulo; eno pano opelo aki alu pighilu penike oxaqhe nani.

LESHELE 37:34 Referans Kwoze

LESHELE 27:14

Ampeu ngokhe lo; akumto shilo, eno o mlo mtotoi lo; Ampeu ngo khelo!

AHOLE 20:22

“I no alhoksau lochileni,” ipi kevilo, Ampeu huqhelo, eno Pa no o xaphelu nani.

LESHELE 37:9

Kughengu kixikila kümlami ye ikhive nani, ikemu Ampeu pükhü kemi no ashoqhi yeghi ighilu nani.

MATTHEW 24:13

Ikemu khuu no ashekha kutolo kutuu luni keno xaluve nani.

LESHELE 37:7

Ampeu zülo iqünhei lo eno kheakulu shi Pa ngokhe lo; khuu no kixikila kümla shino pa laghi lo kinikülü shi ani keno pa jupe kütakihi kevilo!

1 Peter 5:6

Tighenguno Alhou u kumto qholono nongu ampi kuchunilo, tishianguno Pa do-ghuloki achipi lono nongu sünheqhe nani,

Luke 14:11

Kughengu alikhi asüqhe kemi kümtsü kuchunive nani, eno alikhi ampi kuchuni keu süqhe nani.”

AHOLE 16:17

Akümzümi laghi ye alhoksami launo putou acheni, khuu no pa laghi jukutoni keno aküxü pükhalu cheni.

LESHELE 91:8

Nono o nhethi likhi no jupuwu nani eno küsaküghami lochile keu ithulu nani.

LESHELE 37:3

Ampeu pükhü lo, eno akivi mla lo; no yeghi lo küghüna no pükhükulu sasü shou-pau shilo.

JOB 17:9

Tishimu, amikuchomi ye pa laghi pheve chemo, khunono au mithe ani keno pano no alau mtokithe chenie.

1 Peter 1:7

tishianguno nongu küpülü ye ghukimthepe athicho shilu peniye ke. Ameshoyi ye ami lono piti kimthe anamu pühave cheni, ikemu nongu küpülü ye ameshoyi nguno amekushou kehu Jisü Khristo pephe piye kelo shekiqhe, ajuküvü eno agigihu ithulu kepu shimasae.

LESHELE 112:9

Pa no ame lumono kümsano kijetsü cheni; pa no kumlhomi tsüke; pa chipiu mikucho ye alhokuthu acheni; pa kibo ye agigihu lono süqhe cheni.

ZAKINIU 5:33

Ampeu nongu Lhou no azah tsükeu kümtsü shilo, tishianguno nongu ye xülu nani, eno nongu no pükhalu niye akeu yeghi lo nongu ye akivi shino eno axüshu nani.

LESHELE 25:13

Pa ngulho ye akivishi anani, eno pa tikughukomi no amheghi shi ayeghi ighilu nani.

LESHELE 92:12

Amikuchomi ye amsabo toi ikoishe cheni eno Lebanon lo cedarbo lakhi toi thuwu cheni.

LESHELE 112:8

Pa no pa ghümi shou tokulu shikeu ithulu moke kutolo pa ye iqüghai cheni; pa ye msave chemoe.

AHOLE 29:16

Kixikilami no ayepeuve aye küsakügha ikowove cheni, ikemu amikuchomi ye tipaqo no ikiqi keu xüwo ithulu nani.

ISAIAH 57:13

Kughou nongu no ighamkuni keno, nongu no ajulho kütsüpe püakeqo pelo nongu xaphetsü pelo! Amülhü no tipaqo fupesü wuve nani, atuthu no tipaqo fupesü wuve nani. Ikemu khunono I pükhü cheni keno ayeghi lo xülu nani eno I kimthe naghuto ighilu nani.