LESHELE 37:3 - Sumi Naga CL (Re-edited) Bible (BSI)

³ Ampeu pükhü lo, eno akivi mla lo; no yeghi lo küghüna no pükhükulu sasü shou-pau shilo.

BAIBEL (BSI)

³ AMPEU lau pukhukeu alo eno akivi mlalo; tishianguno ayeghilo xulu nani eno sushokulu anani.

LESHELE 37:3 Referans Kwoze

LESHELE 62:8

O timiqo, ado kümtsü lo Pa pükhü lo; Pa zülo nongu mlo lheqhi lo; Alhou ye niw sükusho ke.

Luke 22:35

Jisü no panongu vilo pi, “Püzüu I no pisabo, süqhu, apukhuqho, nongu pelo pemono wupe kelo, nongu ye kiuala püqüveo?” Panongu no pi, “Kiumu tishimoe.”

LESHELE 4:5

Achipiu ghakishi tsülo, eno Ampeu lau now pükhükibe qhilo.

LESHELE 26:1

I chipiu saphu tsülo, O Ampeu, kughengu ni ye akikhi lono checheni, eno ni ye lhelhei mono Ampeu lau pükhübe ighivae.

ZAKINIU 30:20

Ampeu nongu Lhou kimiyelu, Pa tsa chilu no Pa süijelu nani. Kughengu Pa no nongu küxü ke, eno no puasü Abraham, Isaac, eno Jacob lau tushoqhi keu yeghi lo axükushu nongu tsü nani.

ISAIAH 50:10

Nongu dolo khuu no Ampeu sümsa cheni eno Pa qeu tsa lucheni kea? Khuu no aküzü lo püla cheni eno aküvü küha keno, pa pelo Ampeu je pükhübe eno pa Lhou pükhülu pelo.

LESHELE 33:19

tishikeu lono Pa no akithi lono pano ngulho xaphelu eno püqümiye ighi kelo panoqo püxülu cheni.

BOTHUBO 26:2

Ampeu no pa lau ipeghi no pi, “Egypt yeghi lo iqi kevilo; I no ayeghi khikhi o piyeni keno tile küghüna lo.

SAMUEL ATUGHIU 26:19

Tighenguno itehi I mpeu akükau no o qeu tsa inilo. Tsala Ampeu no o xukuthope I küla aghi aye, akümllagho Pa tsüve lo, ikemu timi no shi aghi aye, pa ye Ampeu zülo angusü shipeni. Kughengu panongu no Ampeu mheghi yeghi lo I saje kühave peniye ishi tsala lono I haphe no ishi piani, ‘Wuno kütami lhou qelo.’

ISAIAH 40:11

Pa no ambekheu toi aloji tucho nani; Pa u lono ambetiqo khape nani; Pa mla lo khadape xapu nani, agholau no ati pazaqo saphe nani.

BOTHUBO 26:3

Hipa yeghi lo ado hami ngolo, eno I no o gholo anani eno o kümghatsü nani, kughengu o lau eno o tikughukomi lau I no ayeghi hi kümtsü tsü nani, eno o pu Abraham lau ashoqhi khikhi I no tushoqhi keno tipau shikupu tsü nani.

KUKAMI ATUGHIU 19:6

Pa no jukelo atu külü shou asho bepüaghi eno azübohu pa kütsü phivilo aghi. Pa no ti chushove no itaghi züuve.

AHOLE 3:5

O mlo kuchopu pesü Ampeu pükhüni thono ow vethakulu shou mungube kevilo.