LESHELE 34:10 - Sumi Naga CL (Re-edited) Bible (BSI)

¹⁰ Abongshuu lhothe ghi achuqupu püqüve no müzüthi cheni; ikemu Ampeu phukemi ye akivi kiumu kühave monani.

BAIBEL (BSI)

¹⁰ Abongushu ghi achuqupu phumlano muzuthive cheni, ikemu khunono AMPEU gholuni keno thime kivi kiumu athokha shive chemoe.

LESHELE 34:10 Referans Kwoze

LESHELE 84:11

Kughengu Ampeu Alhou ye khetsünhe eno azüto ke; Ampeu no kikimiye eno agigihu pesü tsücheni. Khunono müzüchoi xücheni keno pano launo thime kivi kiumu süchileve chemoe.

MATTHEW 6:32

Kughengu thime hipaqo ye Alhou kümthami no akhotoshi phu acheni, eno kungugha lo nongu Papu no nongu ye hi kümtsü avehupu shiani kepi ithi ani.

LESHELE 104:21

Abongshuu lhotheqo no tsüqhi chunike igha, Alhou launo pano chuqupu phucheni.

LESHELE 23:1

Ampeu ye I kheu, ni ye kiumu mlomoe.

LESHELE 33:19

tishikeu lono Pa no akithi lono pano ngulho xaphelu eno püqümiye ighi kelo panoqo püxülu cheni.

LESHELE 112:3

Küakini eno kinikülü ye pa kibo lo anani, eno pa chipiu mikucho ye alhokupuju ache nani.

AHOLE 10:3

Ampeu ye amikuchomi pelo müzüthivepe chemo, ikemu Pa no kixikilami kimne süchile luvetsü cheni.

AHOLE 19:23

Ampeu sükümsa no aküxüpu lo sawu cheni, ti akemi ye aloqiqhiyi kiunomu shipüsamla no akulhoqhilu cheni.

AHOLE 22:4

Aqhokigheu eno Ampeu sükümsa saxü ye küakini, agigihu eno axükushu.