LESHELE 33:18 - Sumi Naga CL (Re-edited) Bible (BSI)

¹⁸ Julo, Ampeu nhethi ye khunono Pa sümsa cheni keno, Paw iqemokeu kikimiye shou pükhü chekemi shou acheni,

BAIBEL (BSI)

¹⁸ AMPEU ghokulumi khunono pawu iqemokeu kikimiye pukhu cheni keno tipaqo pano jukuto acheni.

LESHELE 33:18 Referans Kwoze

1 Peter 3:12

Kughengu Ampeu nhethi ye amikuchomi shou acheni, eno Pa kini kughope pano kighini initsü cheni. Ikemu Ampeu ye alhoksa shiche kemi mjochile cheni.”

LESHELE 147:11

ikemu khunono Pa sümsa eno Paw iqemokeu kikimiye shou pükhü cheni keno Ampeu ye pano lau alokiqi acheni.

JOB 36:7

Pa ye amikuchomi launo Pa nhethi sükiqeve chemoe, ikemu alhokupuju ghenguno Pa no panoqo süsü no kükami gholo iqa no ayepe eno sheqhe achenipe.

IBRIMI 6:18

tishianguno ala kinikujo lo Alhou ye akimkiu shivemla kehu ningu khunoqo no Pa ijeluve akeno mtotoi shi lajupu ni zülo qhitsü keu tsüqülu peniye ke.

LESHELE 52:8

Ikemu ni ye Alhou kilo olivebo thuwu aketoi ke. Ni ye alholo eno pülhapuju Alhouw iqemokeu kikimiye shou pükhübe ani.

LESHELE 13:5

Ikemu ni ye Ow iqemokeu kikimiye shou pükhübe ani; I mlo ye Ow xakulu lo alovi nani.

KUKAMI ATUGHIU 17:6

Agha no ina-kijili asho ngo ashi pa lau süghitsü eno aghoki lono azü sho ae.

YEKIKITHI AKINIU 16:9

Khunono Ampeu lau tukutiye küha no acheni keno Pa ye akumtoshi tipaqo kuphuni ke ayeghiqha kümtsü thebei jukuto acheni. No ye hipau lo anikha shivae, tighenguno hinguno hilau no ye aghüshi cheniae.”

EZRA 8:22

Ningu no akükau vilo, “Ni Lhou u ye Pa phuighi kemi kümtsü shou acheni, ikemu Pa pheve kemi shou Pa loghu küka acheni,” ipive kehu ni ghüzüla lo aghümi launo süshotsü penike pa vilo ghüshimi loji eno khurshimi tsülopi khuni keu ni ye kujove.

LESHELE 111:5

Khunono Pa gihu cheni keno Pa no achuqupu tsü cheni; Pa no Paw puloshoqhi alholo kümsülu cheni.

JEREMIYA 37:21

Ikehu Akükau Zedekiah no azah tsüno Jeremiah pesü akhemi bokütha lo qhive. Tishino mishighüna lo asho kühave moke kutolo tsalakipetsü asho kümla laghila lono ashopa lakhi süwo pa tsüche. Ikehu Jeremiah ye akhemi bokütha lo ngove.