LESHELE 31:19 - Sumi Naga CL (Re-edited) Bible (BSI)

¹⁹ O, O sümsa chekemi ghenguno khikhi akivi Nono pekütsü püani keno, O launo sükusho luche kemi ghenguno mla püakeu ye timi zülo kishi kupukuno shi ani kelae!

BAIBEL (BSI)

¹⁹ Osumsa chekemi ghenguno thime kivi nono kikepuakeu huye kiutoi akumzapu kya? Opelo susholupekemi ghenguye nono akivipu shitsukeu timiqo gizulo ithulupe cheni.

LESHELE 31:19 Referans Kwoze

1 Kor. 2:9

Ikemu ishi yepüake toi, “Kiu anhethi no ithulu mphi, akini no chilu mphi keno, momu timi mlo no kümsülu mphi keno, Alhou no kiu Pa kimiye chekemi ghenguno kuto püani keno”—

ISAIAH 64:4

Timi khunomu O nguno alau ye alhou kütau anipi chimla aphi momu khuno nhethi nomu ithulu mphie, timi no huqhe kelo khochiletsü chekeu Lhou ye O likhi ke.

James 2:5

I qhuu athiküzümiqo, inilo, Alhou no ayeghi lo kumlhomi kishelu no aküpülü lo kinimi shilupe eno Pa kimiyekemi tsüni keu shi piqhi püakeu kükaqha mheghi kiyighimi shilupe kekumo keshea?

LESHELE 16:11

Nono aküxüpu laghi I pelo ithilupe; O zülo alokivi no chhitoi ani; O u ajeu ye pülhapuju alokiqi acheni.

LESHELE 23:5

Nono I ghümi nhethe lono I zülo aghulhu lüpa kutotsü; Nono thazü pesü I kütsü nutsü; I jukhu lo yele lesütsüe.

2 Kor. 5:5

Khuu no aghungu pesü ningu tsü püzü ningu ghenguno thime hipau kutokughoi qhitsü keno ti huye Alhou ke.

ISAIAH 35:10

Ampeu no xachile luve kemi no ale phesü Zion lo ideighi nani; pülhapuju lokivi no panongu kütsü qhopu no amlokiqi shi alovi nani; eno küqa kumlo ye hauve nani.

John 3:21

Ikemu khukhumu kuchou shi chekemi no aküvü lo ighi cheni, tishianguno pa kümla ye Alhou pulou lono mla püanie pi mtsümishei ithulu cheni.

LESHELE 73:1

Alhou ye kuchou no Israel lau eno amlo mqhamqhi kemi lau akivi shicheni!

ISAIAH 26:12

O Ampeu, Nono ni ghenguno aloinokeu puthuphe tsünani, kughengu Nono ni ghenguno thokha mlave tsüake.

LESHELE 68:28

O Alhou, aküka khipau vecheo Nono ni ghenguno mla keno O küka ti kusülo, O Alhou.

Rommi 11:22

Tighenguno tsükhüi shino Alhouw kimiyekini eno Pa yiküsa ithilo: axine lo ikiqive kemi lau ye ayiküsa, ikemu nongu no Paw kimiyekini qholo ake tivilo Pa ye nongu lau kimiyeqhiyi anani. Tikumo aye, nongu ghi micheve nani.

IBRIMI 10:34

Nongu no akughumi gholo ime küqha, eno alokivishi no küakini ghi sükishe luvetsü peke, kughengu nongu ye küakini akiviu eno pülhapuju acheni keu thime aphi kepi nongu no ithi ake.

Apostolmi 15:12

Tile kumqo akemi kümtsü no iqünheive, eno Alhou no Barnabas ngo Paul vecheo Jewkumomi gholo amchipu ngo akümzapu shikeu pama no pi akelo tsaqüi ini.

AKIKIHI 23:23

Kughengu Jacob shou pipütha keu kiumu kühae, momu atumu kiumu kühae; itehi ye Jacob ngo Israel vilo pi nani, ‘Alhou no kiu shitsü keno julo!’

LESHELE 12:5

“Kumlhomi pükaqhi, aveküsami no aghuju shi kehu, Ni ye itehi ithughi niae,” ipi Ampeu no pi; “Pa no khile sükusho laju cheni keno I no tile pa sawo qhini.”