LESHELE 31:13 - Sumi Naga CL (Re-edited) Bible (BSI)

¹³ Kughengu kutomo no chhuchhushi küptsa keu I no chilue— kichi kümsa keu no akuaqha kümtsü lo ani!— panongu no I shou kuchughu ani, I küxü luve tsüniye küsüqe ani.

BAIBEL (BSI)

¹³ Kutomono chhu-chhushi kuptsakeu ino chilu ani, Aqha kumtsulo akuighupushi ani, Panonguno ishou akumou shiniye kuchughu ani, ikuxu luve tsuniye kumqu ani.

LESHELE 31:13 Referans Kwoze

JEREMIYA 20:10

Kughengu I no chhuchhushi keu sütsa chilu ani. Akümsapu no ako kümtsü lo ani! “Pa pipüthave lo, ningu pa pipüthani!” ipi I poshumi kümtsü no pi ani, I pelo ikiqive penike khe ani. “Pa pishiqhive luve aye nino pa shou toluve nani eno pa shou ningu mkhülu nani.”

MATTHEW 27:1

Inaqhe itheno achinetomi ngo Jewmi layemi kümtsü no Jisü pithive nike ghenguno kughu.

AKUMLO 2:22

Nono tiqhetini tsala lo toi aqha kümtsü lono I shikichi kepu kusü, eno Ampeu mlokighide tsalani khumu pomla momu xümlave; I no khunoqo khape eno saputhu keno I ghümi no kütsave.

SAMUEL ATUGHIU 20:33

Ikemu Saul no pa yive niye pa ngu chhepuwo. Eno Jonathan no pa pu ye David pithive niye kughuvae pi ithive.

Luke 23:5

Ikemu panongu no tsüikhomo pi, “Pa no Galilee lono Judea kümtsü eno hi kutolo timiqo xukutho kütsü ani.”

MATTHEW 26:59

Jisü pithive niye achinetomi ngo hoho mpemi kümtsü no kichile thopi phuae,

JEREMIYA 11:19

Ikemu ni ye ambeti ivünhei ghikiqhi-a lo sawu cheke toike. Ni ye panoqo no I shou alhoksa ishi kuchughu akeu mthae, “Ningu axathi gholono asübo kütsaveni, küxümi yeghi lono pa pithiveni, tishino pa je kümsü chilelu moveni.”

JEREMIYA 6:25

Alulo hu kevi momu alaghila lo cheche kevilo, kughengu ghüshimi u lo azütakikihi ani; aqha kümtsü lo akümsapu ani.

LESHELE 101:5

Khuu no tuqhou no pa kisüghüu xishi jekuni keno I no kütsave nani. Khunono kumobei keu ju eno aqheküza mlo xapu ani keno ni ye kutuu mlae.

LESHELE 57:4

I ngulho ye abongshuu dolo ani; ni ye mghamichi keu tüghashi dolo ihozü ani— timi nuliqo, panow ahu ye angupa ngo apijiqo ke, pano mili ye azütakikihi kütsügha ke.

LESHELE 55:10

Putho pucho panongu no aliwo zümili mishighüna homxa ighi, akipimi ngo aküpüna no tile ani;

SAMUEL ATUGHIU 24:9

Eno Saul vilo pi, “Kushiye o vilo, ‘Julo, David ye o ghüza niye phucheni,’ ipikeu tsa ini cheni kea?

BOTHUBO 40:23

Ikeghi ajukhu kipeu atou ye Joseph kümsülu move, pa ye qhoi kümsümave.