LESHELE 28:7 - Sumi Naga CL (Re-edited) Bible (BSI)

⁷ Ampeu ye I kumto eno I züto ke; I mlo no Pa pükhü ani, eno ni ye akukuphu ithuluvae; I mlo lono aloviqhiyi ani, eno I le kungo pesü Pa shikimthi ani.

BAIBEL (BSI)

⁷ AMPEU ye ikumto eno izuto, pa lau ino pukhube cheni. Tighenguno pano ikuphutsu eno ilopivitsuke, eno ino alokivi le phepesu pa shikimthitsu cheni.

LESHELE 28:7 Referans Kwoze

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

Ephesiami 6:10

Ashekhashi, Ampeu küka kumto lono mtotoi shilo.

LESHELE 40:3

Pa no ni Lhou shekiqhe le, ale akithe I kichi lo sütsüe. Kutomo no ti ithulu no ighüve nani, eno Ampeu shou pükhübe nani.

LESHELE 13:5

Ikemu ni ye Ow iqemokeu kikimiye shou pükhübe ani; I mlo ye Ow xakulu lo alovi nani.

LESHELE 28:8

Ampeu ye Paw timi kumtopu ke; Pa no nukishe luve keu xakuluu sükusho ke.

ISAIAH 12:2

“Alhou ye I xakuluu; I no msa mono Pa pükhüni; kughengu Ampeu Alhou ye I kumtou eno I le ke, eno Pa no I xakuluu shivae.”

LESHELE 84:11

Kughengu Ampeu Alhou ye khetsünhe eno azüto ke; Ampeu no kikimiye eno agigihu pesü tsücheni. Khunono müzüchoi xücheni keno pano launo thime kivi kiumu süchileve chemoe.

LESHELE 69:30

I no ale lakhi phepe Alhou sheqheni; I no shikimthikütsü pesü Pa jepipi tsüni.

LESHELE 22:4

Ni puasüqo no O shou pükhübe; panongu no O pükhü, eno Nono panoqo xaphelue.

LESHELE 91:4

Pa no Pa chishibo pesü o nhaluve nani; eno no ye Pa chishibo qholono sükusho ithulu nani; Paw pükhükulu ye azüto eno süshoyi ke.

LESHELE 3:3

Ikemu, O Ampeu, No ye I vehope akeu züto ke, I juküvü, eno I kütsü peqhe kütsüu ke.

LESHELE 21:1

O Ampeu, akükau no O kumto lo alovi ani, eno Ow xakulu lo pa no kishi alovishe ani kela!

BOTHUBO 15:1

Hipaqo shive kethiu, kungunhetsü lono Ampeu tsa Abram lau ighi: “Msa kevilo, Abram, Ni ye o züto ke; o saxü ye shishe kije shi nani.”

Piyeküsü 5:9

Panongu no ale kithe hitoi phe, “Nono liküküzü kaku ikhilu no michida xükho küzüe, kughengu No ye ghiqhive, eno Nono O ji pesü ashiaye, atsa jeli, timi mqo eno shiye kümtsü xachile sawo Alhou tsü,

LESHELE 46:1

Alhou ye niw ijekulu eno ni kumto ke, shiluküsa lo kuphu tsünike ani.

LESHELE 33:21

Kughengu ningu mlo ye Pa lau no alovi acheni, kughengu ningu no Pa kimthe je shou pükhü cheni.

Piyeküsü 15:3

Panongu no Alhou qeu Moses ngo Ambeti shikipili le ishi phe, “O kümla ye kije eno akümzapue, O Ampeu Alhou Akughushuu! O laghi ye achipi eno kuchoue, O shiyeqo shou Akükau!

LESHELE 19:14

I kichi lono piqhikeu tsa eno I mlo lo kümsükutho keu O zülo ikhikulupu shipelo, O Ampeu, I tuqu eno I xachilekuluu.

ISAIAH 45:24

“I ghili ishi pinani, I lau likhi no achipiu-mikucho eno aküka ani; khunono I mjo cheni keno, tipaqo ye ighi no kujove nani.

LESHELE 3:4

I no Ampeu vilo ighamku, eno Pa no Pa kimthe toghi lono I khochile tsüe.

LESHELE 13:6

I no Ampeu lau ale pheni, kughengu Pa no pofushi I kümgha tsüe.

LESHELE 37:39

Amikuchomi xakulupu ye Ampeu launo ke; aveküsa tsala lo Pa no panow sükusho-a ke.

LESHELE 43:2

Kughengu No ye I no ijelu chekeu Lhou ke; No ye kushiye I milive akea? I ghümi no I ghime ke ghenguno ni ye kushiye mloqani kea?

LESHELE 46:2

Ikehu ayeghi sükinile namu ningu ye msamo nani, naghuto no azüghi lo ilove na,