LESHELE 28:3 - Sumi Naga CL (Re-edited) Bible (BSI)

³ Alhoksa eno kixikila kümla shiche kemi khunono amlo lo kixikila xapu, ikemu akisüghümi lau ye külakishi tsa picheni keno pano gholono I sünhe sawuve kevilo.

BAIBEL (BSI)

³ Timi lhoksami gholo ipeve kevilo, alhoksa kumlami gholo timi tipa qono akusami vilo shompami toi putsa cheni, ikemu pano mlolo axekusu pucheni.

LESHELE 28:3 Referans Kwoze

LESHELE 55:21

Pa tsapi ye akichhizütha toi müdüniyi, ikemu aghükishi no pa mlo lo ani; pa tsa ye thazü nguno mtshaminhei, ikemu panongu ye azütakikihi xajope ani.

LESHELE 12:2

Kümtsü no pa kisüghüu lau akimki tsa pie; amili shobapu eno amlo kini xapusü atsa picheni.

LESHELE 26:9

Axinemi eno ajiküxümi gholono I küxü pühave tsü kevilo,

MICAH 3:5

Ampeu no tungkupmi ghenguno ishi pi, panoqo no Iw timi sabidevae, kughou chukepu thime ani keno, panoqo no “Aloino” ipi igha ikemu khuu no panoqo kichi lo kiumu sütsü moni keno pa shou aghükishi sheshue.

MATTHEW 25:41

“Tileno pa no pa u piyiu akeqo vilo pi nani, ‘I launo chevelo, nongu müsüinive keqo! Tüghami ngo paw kungumi ghenguno alhomi kuto püakeu lo ilovelo.

LESHELE 62:4

Pano kukughu ye akuchuqu-a lono pa sünhe qhiveni keu likhi ke. Panongu ye kichile lono aghapiqilu cheni. Pano kichi loye kümghatsü cheni, ikemu amlo lou ye panongu no ghusho cheni.

LESHELE 36:4

Pa lüpa lo akelo pa ye aküküpna kuchughu cheni; pa ye alaghi kivi kumo lo pa ampi kitimepe acheni; pa ye alhoksa milive chemoe.

LESHELE 10:14

Ikemu No ye ithulu ani, aveküsa eno aghime Nono kihi ani, tishikeu lono Nono O u lono ikhilu niye ke; akukuphu küha kemi no O lau pa ampi kulhuqhi tsü; Nono mighimi kukuphuu shi ighivae.

LESHELE 7:14

Julo, kixikilami ye alhoksa mishipu cheni, pishikiqhi mishipu cheni, eno akimki punuqhi cheni.

MATTHEW 25:46

Panongu ye alho ghimepu lo ilove nani, ikemu achipikaluve keqo ye lhokta küxü lo wu nani.”

LESHELE 52:1

O akumtou, kushiye alhoksa lono qheza cheni kea? Alhouw iqemokeu kikimiye ye atsala kupuju acheni.

LESHELE 10:7

Pa kichi lo ghukusho, pishikiqhi eno qodaqhi keu no chhitoi; Pa milibo qholo pishikiqhi eno axine ani.

AKIKIHI 16:26

Eno Moses no timiqo vilo pi, “Kimiyeno timi kixikilami hipaqo launo putou ngove lo eno hipaqo nhemgha kiumu bu kevilo, tikumo aye nongu ghi panoqo xine gholono joleve nosake.”

LESHELE 141:4

Axine kümla shiche kemi loji lo I pelo mighimghai küsakügha kümla shipemo nike kiu küsakügha lomu I mlo bepe ngope kevilo, eno I pelo pano chuqupu kivi chushope kevilo!