LESHELE 27:14 - Sumi Naga CL (Re-edited) Bible (BSI)

¹⁴ Ampeu ngokhe lo; akumto shilo, eno o mlo mtotoi lo; Ampeu ngo khelo!

BAIBEL (BSI)

¹⁴ AMPEU pukhulo, mutotoi alo eno amlo kuloghi shilo. Iye, AMPEU pukhulo.

LESHELE 27:14 Referans Kwoze

ISAIAH 40:31

ikemu khunono Ampeu lajukhe cheni keno aküka kithe ithulu nani; panongu no alhuqu toi achishibo xapu yewu nani; panongu no po namu lhomo nani; panongu no chewu nani ikemu akulho shivemo nani.

LESHELE 31:24

Nongu Ampeu ngokhe chekemi kümtsü no mtotoi lo, nongu mlo mtolu lo.

ISAIAH 30:18

Ikeghi Ampeu no nongu küpüqhiyini ke khe ani, Pa no nongu lau kimiyekini piyeni ke ithughi ani. Kughengu Ampeu ye kuchou xakütha Lhou ke; khunono Pa lajukhe acheni keno panongu kümtsü kümghapue.

LESHELE 37:34

Ampeu ngokhe lo eno Pa laghi papelu lo, eno Pa no o xaqhe no ayeghi ighi lupe nani; kixikilami ikhive keu nono ithulu nani.

LESHELE 130:5

I no Ampeu khe ani, I ngulho no khe ani, Pa tsa shou I no lajube ani;

FILIPIAMI 4:13

Khristo no I shikumto keu vecheo ni ye thokha shilu nani.

HABAKUK 2:3

Kughengu ti ye kimshilu kepu do khe ani; ti kishekhani keu ye pai ighive nani, ti ye mikimo nani. Tsala tino asheshive namu khelo; ti ye süpushuve mono mtsüqheino ighi nani.

Ephesiami 6:10

Ashekhashi, Ampeu küka kumto lono mtotoi shilo.

LESHELE 62:5

O I ngulho, iqüghai Alhou likhi ngokhe lo, kughengu I küpkhü ye Pa lau ani.

Kolosiami 1:11

Pa juküvü kumto lono aküka kümtsü pesü nongu shikumto luno alokivi shi thokha puqhelu eno kutuulu peni;

LESHELE 138:3

I no O kuke tsala lo Nono I khochile; Nono I ngulho lo aküka mtotoilu peke.

AHOLE 20:22

“I no alhoksau lochileni,” ipi kevilo, Ampeu huqhelo, eno Pa no o xaphelu nani.

LESHELE 33:20

Ni ngulho no Ampeu khe ani; Pa ye ni kukuphuu eno ni züto.

Rommi 8:25

Ikemu ningu no ithumla no akeu lajuqhiyi cheghi aye, ningu ye kheakulu shi tipau huqhe acheni.

AKUMLO 3:26

Milakhi no inaqhoi AMPEUw xakulu ngokhe keu ye aloe.

1 Kor. 16:13

Tsükhüi jukuto lo, aküpülü lo mtotoi puthugho lo, amlo kumto shilo.

ISAIAH 25:9

Tipa tsala lo ishi pi nani, “Julo, hi no ni Lhou; ni xalu peniye nino Pa khe cheke. Nino khe chekeu MPEU ye hike; Ningu amlokiqi shini eno Paw xakulupu lo alovini nolo.”

LESHELE 25:21

Akikhi eno achipiu pesü I küxü süshope qhitsülo kughengu ni ye O ngokhe ani.

LESHELE 25:3

Mtsüqheino O ngokhe chekemi ye akukujo lo ilove monani; Akiqi kühano pishiqhi kemi ye akukujo lo ilove nani.

BOTHUBO 49:18

Ow xakulupu I no ngokhe anie, O Ampeu.

Luke 2:25

Jerusalem lo timi lakhi Simeon ipikeu ache, pa ye amikucho eno amlo tsüqhiyi Israel lokughuno tsüni keu tsala khelho chekemi, eno Aghungu Kimthe no pa gholo ache kemie.

ISAIAH 8:17

Ampeu Khuu Jacob laghami launo Pa gi küsü ani keno, ni ye Pa khe anani eno Pa lajube anani.

Ephesiami 3:16

Pa juküvüpu kinikülü shi akeu kiqi lono Pa Ghungu pesü nongu lolo akeu mpi shikumto tsü peni,

LESHELE 62:1

I ngulho no iqüghai Alhou likhi ngokhe acheni; Pa launo Iw xakulu ighi cheni.

LESHELE 40:1

I no kheakulu shi Ampeu khe ani; Pa no I lau kughopuwo no I küqa chilu tsüe.

ISAIAH 26:8

O Ampeu, Ow küghakütha laghi lono nino O laju khe ani; O je eno O kümsüchilelu keu no ni ngulho no mine chekeu ke.

Luke 2:38

Tipau süchedo lo li no panoqo lau ighi no Alhou shikimthi thuve, eno khunono Jerusalem xachile luni keu tsala khelho chekeno kümtsü vilo anu ghili pesü pi thuve.

Apostolmi 28:15

Tile küpülümi no kughou ningu ghili chilu keno, Appius Lhikishi-a ngo Aghüzüki Küthü kutolo ningu sasü kusho niye ighi. Panongu ithulu kelo, Paul no Alhou shikimthi tsüno pa mlo kuloghi shikithelu.

LESHELE 37:7

Ampeu zülo iqünhei lo eno kheakulu shi Pa ngokhe lo; khuu no kixikila kümla shino pa laghi lo kinikülü shi ani keno pa jupe kütakihi kevilo!