LESHELE 25:9 - Sumi Naga CL (Re-edited) Bible (BSI)

⁹ Pa no aqhokighemi sasü achipiu lo wucheni eno aqhokighemi lau Pa laghi shika cheni.

BAIBEL (BSI)

⁹ Pano ala achipiulo aqhokighemi sawu cheni, eno panoqo vilo pa laghi shika piye cheni.

LESHELE 25:9 Referans Kwoze

LESHELE 23:3

Pa no I ngulho püxütsü. Pa ju aje ghenguno Pa no achipiu lalo I sawu.

Galatiami 5:23

akümtsha, alikhi aghasükulu; hitoi keqo shou ayezah kiumu kühae.

MATTHEW 5:5

“Mtshaivü kemi kümghapue, kughengu panongu no ayeghi mheghi ighilu nani.

1 Peter 3:15

ikemu nongu mlo lo Khristo ye Ampeu eno akimthe kepi gihulo, nongu lolo lajupu akeu kiqi khuana no iniju aye sükusho tsa pilu kepushi alhokuthu kutope alo; tishimu akümtsha eno sükümsa lono shilo,

John 14:6

Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

ZEFANIA 2:3

Ampeu phulo, nongu ayeghi lo aqhokighemi, Pa chipiu zakütsü peche kemi; achipiu-mikucho; akümtsha shilo; Ampeu xukighide tsala lo o pesü küghütshüve luvi ke.

EZEKEL 36:27

Eno I no I Ghungu nongu lolo sütsü no nongu pelo I yezah pape eno Iw pimheye gholuni ke kutokupui penani.

LESHELE 149:4

Kughengu Ampeu no Paw timi lau azüküvü acheni; Pa no xakulu pesü aqhokighemi nanu shitsü cheni.

LESHELE 147:6

Ampeu no aqhokighemi süqhe cheni; ikemu kixikilami ayeghi lo qodave cheni.

LESHELE 143:10

O pulou shinike I shika piyelo, kughengu No ye I Lhou ke! O Ghungu kivi no müdüniyi keu aqa yeghi lo I sache pelo!

1 Peter 3:4

ikemu nonguw jukivi ye alolo nongu mpi kuchou akeu huno shilo, tino akümtsha eno iqünhei keu ghunguw shipüsa kümlapu jukivi, Alhou zülo ighono akughupu ke.

James 1:21

Tighenguno aphikümqhüpu eno küsakügha kümtsü peve no ivünhei shi xusü püakeu tsa khikhi nongu ngulho xalu nani keno, ti ikhilulo.

LESHELE 119:66

Xakütha kivi eno akighithi I shika tsülo, kughengu ni ye O yezah pülü ani.

LESHELE 119:35

O zakütsü laghiqo lo I sachelo, kughengu ni ye tipau lono I züvülu cheni.

LESHELE 76:9

Alhou no ithughi eno küghakütha shuphe ayeghi lo aqhokighemi kümtsü xalu niye ke.

LESHELE 73:24

Ow mijekütsü no I la kichetsü, eno ashekha lo Nono ajuküvü lono I saluve nani.

LESHELE 27:11

O laghi I shika tsülo, O Ampeu, eno müdüniyi keu laghi lo I sawulo kughengu I ghümi kutomo ani.

LESHELE 22:26

Aghime kitikhi lo akemi no chulu nani eno aghapiqilu nani; khunono Pa phucheni keno pano no Ampeu sheqhe nani! Nongu mlo alholo xü apeniu!

IBRIMI 10:20

pa no nhaqhiphi, ti ye pa phimpi, vecheo ningu ghenguno ala kithe, aküxüpu la lakhi khaqhive tsüae,

ISAIAH 61:1

Ampeu Alhou Ghungu no I shou ani, kughengu Ampeu no I nukishevae, I pelo kumlhomi lau sütsa kivi süghi peniye, Pa no amlo ghimeshi akemi shipivi peniye I puwue, akughumi lau kuqhokiphe sütsa sheshu peniye, eno akughumi ghenguno akughuki khaqhitsü peniye ke.

ISAIAH 11:4

ikemu kuchou xakütha pesü kumlhomi tsü nani, eno akuchunimi ghenguno aghibiu lono xathatsü nani; pa kichi lo ayiküsü akeu pesü ayeghi shou hepuku nani, eno pa tuthukishe pesü kixikilami pithive nani.

AHOLE 8:20

Ni ye amikucho eno achipiu xakütha laghi püla cheni,

Apostolmi 13:10

eno pi, “No tüghami nu, akimki eno pishikiqhi no chhitoi xapusü amikucho ghümi shiche keu, no ye Ampeu laghi kümzü shichighi keu lono tavemo kea?

Apostolmi 9:2

Damascus sinagog lo tsüpuwu kepu yesü khu, tishianguno khuana Alaghi laumi, kiptimi na totimi namu, pa no phulu aye küghape Jerusalem lo ighi niye ke.