LESHELE 25:14 - Sumi Naga CL (Re-edited) Bible (BSI)

¹⁴ Ampeu ye Pa sümsa chekemi sasü shou-pau shicheni, eno Paw puloshoqhi pesü panoqo pelo ithipe cheni.

BAIBEL (BSI)

¹⁴ Khunono AMPEU sumsa cheni keno paye AMPEU shompami ke, tipanoqo lau pano puloshoqhi pesu pitsu cheni.

LESHELE 25:14 Referans Kwoze

John 15:15

Itehi ni ye nongu pesü aqemi ipi moae, kughengu aqemi ye pa mpeu no kiu shicheni keno mthae; ikemu I no nongu pesü aküsami shivae, kughengu I Pu launo chilu keu kümtsü I no nongu vilo pivae.

John 7:17

Khunono Alhou pulou shinishi cheni keno, pa no shiküka hi ye Alhou launo keo I kükagha lono piani keno ithi nani.

Ephesiami 1:9

Paw tuqhou kukughu khikhi Khristo vecheo kimshitsü keno Pa no ningu lau kilethi tsüke.

1 Kor. 2:14

Ashilo küxümi ye Alhou Ghungu launo ighikeu ikhilu chemoe, kughengu ti ye pa ghenguno mbomzü ke, eno tipaqo ye aghungu lono kimchilu cheni kehu pa ye tipaqo vethalu chemoe.

Ephesiami 1:18

nongu mlo lo vethakulupu nhetsü qhino Pa no nongu kulu püakeu lajupu ye kiu, Pa juküvüpu mheghi kinikülüshi küpülümi lau akeu ye kiu keno, nongu no ithi peni;

Piyeküsü 2:17

Khuu no akini ani keno Aghungu no akukuhouqo lau piakeu chilulo. Khuu no theqhi luni keno I no küsü püakeu manna hami tsüni, eno atu kimiye lo aje kithe yepuku pe pa tsüni, ti ye khuu no ithuluni keno pa no kumo aye khunomu ti ithimo nani.’

John 17:6

“Ayeghiqha lono Nono khunoqo ikhiphepe I tsü keno tipaqo lau I no O je pephe piyevae. Panongu ye Ow, Nono panongu pesü I tsü, eno panongu ye O tsa peluvae.

ZAKINIU 4:13

Pa no Paw puloshoqhi nongu vilo sheshu, nongu vilo shilo pikeu ye Azakütsü Chighi, ti ye Pa no atupha kini shou yepuku tsüe.

John 14:17

ti ye Kuchou Ghungu ke. Ayeghilomi ye pa ikhilu mla nani, kughengu panongu ye pa ithulu chemo momu ithi chemoe. Ikemu nongu ye pa ithi ani, kughengu pa ye nongu lolo ani eno nongu sasü anani.

AHOLE 3:32

kughengu Ampeu ye kühaküghami ju aphimqhü cheni, ikemu akümzümi pesü Pa mlokuchumi shicheni.

Kolosiami 3:3

Kughengu nongu ye thivae, eno nongu küxü ye Khristo gholono Alhou lau küsüvae.

BOTHUBO 17:13

khuu o ki lono punu momu ow pisa no qhülu keno kümtsü mtsüqheino aphighüyiko ghave tsüni. Tishianguno Iw puloshoqhi ye shekhaha puloshoqhi shi o philo ananike.

JEREMIYA 13:18

Akükau eno Kükaliu paza vilo pilo: “Aqhou lakhü lo iqave lo, kughengu ow jukivi kütsükuqho ye o kütsü lono ikiqivae.”