LESHELE 25:13 - Sumi Naga CL (Re-edited) Bible (BSI)

¹³ Pa ngulho ye akivishi anani, eno pa tikughukomi no amheghi shi ayeghi ighilu nani.

BAIBEL (BSI)

¹³ Panonguye pulhapuju kinikulu shi nani eno pano tianulino ayeghi pighimi shiluve nani.

LESHELE 25:13 Referans Kwoze

LESHELE 37:11

Ikemu ivünhei kemi no ayeghi ighi luve cheni eno iqüghai keu lono pano lopiqilu nani.

AHOLE 19:23

Ampeu sükümsa no aküxüpu lo sawu cheni, ti akemi ye aloqiqhiyi kiunomu shipüsamla no akulhoqhilu cheni.

AHOLE 1:33

ikemu khunono I tsa chiluni keno aküxü lo sükusho anani eno küsakusho kümsapu kühano iqüghai nani.”

MATTHEW 5:5

“Mtshaivü kemi kümghapue, kughengu panongu no ayeghi mheghi ighilu nani.

ZEFANIA 3:17

Ampeu o Lhou no o gholo ani, akughushuu, xaluni küau no alokivi shi o jupe amloqi; eno nono Paw kikimiye lo iqünhei lunani; Pa no igha alephe o jupe alovi nani.

Apostolmi 2:39

Kughengu ashoqhi ye nongu eno no tianuli eno khunoqo putou ani keno, Ampeu ni Lhou no Pa lau kulu kemi kümtsü ghenguno ke.”

ISAIAH 65:23

Panongu kümla ye adou shivemo nani, momu kütsakungove nike atianuli punu keu shimo nani, kughengu panongu ye Ampeu no kümghatsü kemi kughukomi shi nani, eno panongu lagha ghi akümghami ke.

AHOLE 29:25

Timi jupe msa chekemi ye pa sala alichhe mla ani, ikemu Ampeu shou pükhübe kemi ye sükusho ani.

LESHELE 37:26

Pa ye alhokuthu nibonilei pünatsü cheni, eno pa tianuli ye kükümgha shi cheni.

1 Peter 3:10

Kughengu “Khunono aküxü kimiye eno atsala kivi ithuluni shi cheni keno, pa ye alhoksa tsapi lono pa mili kütsü luve eno pishikiqhi tsa lono pa mütsü kujukhavelo;

JEREMIYA 32:39

I no amlo lakhi eno alaghi lakhi panoqo tsü nani, tishianguno panongu no alholo I sümsa nani, ti ye panongu eno pano tianuli kivipu ghenguno eno pano thiu atilimi ghengu ghike.

LESHELE 112:2

Pa tikughukomi ye ayeghi lo akughushu shi nani; amikuchomi tianuli ye kükümgha shi nani.

LESHELE 69:36

Pa qemi tianuli no tipaqo ighi luve nani, eno Pa je kimiye chekemi no tile küghüna nani.

2 Peter 3:13

Ikemu Paw pikiqhitsa kiqi lono ningu ye kungugha kithe eno ayeghi kithe khile achipiu mikucho ani keno ti khe anie.

FILIPIAMI 4:19

Ikehu I Lhou no Khristo Jisü gholo Pa juküvü kinikülü shi akeu kiqi lono nongu vehupu kümtsü kumkhotsü nani.

ZEKHARIA 9:17

Kughengu Pa kivi eno Paw jukivi ye kishi kije kelae! Ashothi no apumiqo eno atsaizü kithe no ilimiqo pelo nibonilei lupe nani.

ZAKINIU 33:12

Benjamin ghenguno, pa no pi, “Ampeu qhuu ye sükusho lo ani. Akiqheu Lhou no pa khekuto eno pa gholo acheni.”

AHOLE 20:7

Amikuchomi khuu no akikhishi xücheni keno pa tianuli pa thiu chekemi ye akümghapue!

LESHELE 63:5

I ngulho no atha ngo aqü chulu akeshi aghaqilu nani, eno alokivi mütsü pesü I kichi no O sheqhe nani,

LESHELE 37:29

Amikuchomi no ayeghi ighilu no tile alholo küghüna nani.

LESHELE 37:22

kughengu Ampeu no kümghatsü kemi no ayeghi ighi luve cheni, ikemu Pa no ghushove kemi ye ikhive cheni.

LESHELE 36:8

O kilo kupukuno shi akeu lo panongu no aghulhu shi, eno Nono O lokiqipu ghoki lono shophe no panoqo piyeke.

LESHELE 31:19

O, O sümsa chekemi ghenguno khikhi akivi Nono pekütsü püani keno, O launo sükusho luche kemi ghenguno mla püakeu ye timi zülo kishi kupukuno shi ani kelae!

LESHELE 37:9

Kughengu kixikila kümlami ye ikhive nani, ikemu Ampeu pükhü kemi no ashoqhi yeghi ighilu nani.

LESHELE 37:34

Ampeu ngokhe lo eno Pa laghi papelu lo, eno Pa no o xaqhe no ayeghi ighi lupe nani; kixikilami ikhive keu nono ithulu nani.