LESHELE 22:5 - Sumi Naga CL (Re-edited) Bible (BSI)

⁵ Panongu no O lau igha ighi eno Nono panongu xaphe; panongu no O pükhü, eno Nono panongu pelo kujove pemoe.

BAIBEL (BSI)

⁵ Panonguno ighamuku okue eno akumsapu lono pokawuluve, Panonguno opukhubeke eno noye panoqo lokumtshu vemoe.

LESHELE 22:5 Referans Kwoze

Rommi 10:11

Ti ye Kuchoyesü no piani, “Khuu no Pa pülüni keno shikujove monani.”

ISAIAH 49:23

Kükami no nongu papu kishe shi nani; eno kükalimi no nongu paza shi nani. Panongu no pano gi pishiqhope nongu agigihu tsü nani; eno nongu pukhu lo ayeghimkhu mineve tsü nani. Tileno nongu no Ni ye Ampeu kepi ithi nani; khunono I khe cheni keno, tipaqo ye kujovemo nani.”

Rommi 9:33

ti ye ishi yepüake toi, “Julo, I no Zion lo apukhu küpsüpu, küpxa kepu tuqu sho püani; ikemu khukhumu Pa pülübe keu ye shikukujo monani.”

1 Peter 2:6

Kughengu Kuchoyesü lo hitoi ani: “Julo, I no Zion lo atuqu sho püani, kishekiphe eno akughupu, atsükupu tuqu, khukhumu Pa lau pülübe keu ye kujovemo nani.”

ISAIAH 45:17

Ikemu Israel ye Ampeu no shekhaha xakulu pesü xalue; nongu ye lhokta kutolo khilemu kujo mzave pemo nani.

LESHELE 106:44

Tishinamu, kughou Pa no panoqo küqa chilu keno Pa no panoqo ghime kitikhi ithulu tsüe.

LESHELE 71:1

O Ampeu, I no O lau sükusho lucheni; khilemu akukujo lo I phesüve kevilo!

LESHELE 31:1

O Ampeu, ni ye O launo sükusho ithulu cheni; I pelo khilemu akukujo lo ilovepe kevilo; O mikucho lono I xaphe tsülo!

XAKUTHAMI 6:6

Israelmi ye Midianmi no ighono shikuchunipe qhive. Ikehu panongu no Ampeu lau akukuphu ighamku khue.

XAKUTHAMI 4:3

Ikehu Israelmi no Ampeu vilo kuphu tsülopi ighamku, kughengu Jabin ye ayi khurkulu 900 ache eno pa no ampe muku ayiküsa shi Israelmi qhasü.

YEKIKITHI ATUGHIU 5:20

Panongu no Hagritmi ngo pano gholo akemi shou toluve, kughengu panongu no aghüshiqa lono Alhou lau pükhübe no kuphu penike khekulhoshi khu kelo Alhou no chilu tsüno aghümi pesü pano u lo sütsüe.

JEREMIYA 50:7

Panoqo ju ithulu kemi kümtsü no panongu kütsakungo eno pano ghümiqo no ishi pi, ‘Panongu ye Ampeu zülo axine shivae, ikehu ningu no panoqo shou kiukiu shinamu akipimi kumoe. Ampeu ye pano puasüqow lajupu eno panongu ghi Pa lau amikucho shi kepushi ake.’

DANIEL 3:28

Nebuchadnezzar no pi, “Shadrach, Meshach, eno Abednego noqo Lhou sheqhelo, Pa no Paw kungumi puwu no Pa qemi, Pa pülübe chekemi xaphelue, panongu no pano Lhou likhi kumo aye kütami lhou qe eno mlla moniye akükau yezah qhive no pano phimpi ghi pephe tsüve ke.