LESHELE 19:8 - Sumi Naga CL (Re-edited) Bible (BSI)

⁸ Ampeu no shilo pikeu yezah ye achipi, amlo pelo alovi lupe cheni; Ampeu zakütsü ye mqhamqhi, anhethi shikütsüghü tsücheni;

BAIBEL (BSI)

⁸ AMPEU no shilopikeqo yezah ye achipi, tipaqo gholukemi mlo lopivitsu cheni. AMPEU zahkutsuye mithemitheyi anhethi tsughukhuyi shitsu cheni.

LESHELE 19:8 Referans Kwoze

LESHELE 12:6

Ayikiyiqibo lono ghükayi ghukimtheve ketoi Ampeu tsa ye tsüghükhüi, ghükayi ghuthu tsüni ghukimtheve ketoie.

LESHELE 119:105

O tsa ye I pukhu lo akulu eno I laghi lo aküvü lakhi ke.

JEREMIYA 15:16

O tsa phulu kelo I no chuve, eno O tsa no I lopivi tsüno I mlo züküvüpu shitsüe, kughengu O je lono I kulue, O Ampeu, aqokitikhi Lhou.

AHOLE 30:5

Alhou tsa ye kümtsü achipi kepi phuphelu cheni; Pa sükusho phuighi kemi kümtsü lau Pa ye azüto lakhike.

LESHELE 119:128

Tighenguno ni ye O kükütsü kümtsü achipiu kepi kihi cheni; kichile laghi kümtsü I no mithi cheni.

AHOLE 2:6

Kughengu Ampeu no alokütsü tsücheni; Pa kichi lono akighithi ngo vethakulu ipeghi cheni.

LESHELE 119:92

Tsala O yezah no I lokiqipu shi aghimo aye, ni ye I ghimekitikhi lono pühave aghini cheke.

LESHELE 119:80

I mlo pelo O zakütsüqo lo tukutiye küha pelo, tishiaye ni ye akukujo lo ilovemo nani!

AHOLE 6:23

Kughengu azakütsü ye akulu lakhi, shiküka ye aküvü, eno shikümzü niye sakiyi keu no aküxü laghi ke.

Rommi 7:22

Kughengu I mlo alouno ni ye Alhou Yezah lo I züküvü acheni,

Galatiami 2:19

Kughengu Ayezah vehulo ni ye Ayezah vecheo thivae, tishianguno Alhou lau xülu niye ke.

Rommi 3:20

Kughengu Ayezah vecheo axine shinikeu ithi keke timi ye khunomu Ayezah pelu keu lono Alhou zülo achipikalu monani.

Rommi 7:7

Tishi aye, ningu ye kiu pini kea? Ayezah no axine keo? Kiu gholau nomu kumoe! Ikeghi Ayezah ghenguno kumo aye ni ye axine ithimoni cheke. Kughengu Ayezah no, “Nongu ye jumine kevilo” ipimo keaye, ni ye jumine keu ye kiu keno ithimoni cheke.

LESHELE 119:16

Ni ye O kükütsü tsa lo azüküvü shi nani; ni ye O tsa kümsümave monani.

LESHELE 119:14

Aküakini kümtsü nguno alau, ni ye O zakütsüqo laghi lo azüküvü shi cheni.

EZEKEL 36:27

Eno I no I Ghungu nongu lolo sütsü no nongu pelo I yezah pape eno Iw pimheye gholuni ke kutokupui penani.

LESHELE 119:171

I kichi lono O sheqheni, kughengu Nono O yezahqo I shika ke.

LESHELE 119:143

Aküküpna eno amlo kütakihi keu nono phuluvae, ikemu O zakütsü no I züküvüe.

LESHELE 119:130

O tsa hephopiye keu no aküvü tsü cheni; tipau no akümthami lau vethakulu süghi cheni.

LESHELE 119:121

Kiu no achipi eno kuchou keno I no tipau shike; I qodaqhi ghime chekemi lau I phesüve tsü kevilo.

LESHELE 119:40

Julo, ni ye O zakütsüqo khekulho shi ani; O chipiu mikucho vecheo I püxü tsülo!

LESHELE 119:12

O Ampeu, O sheqhe ani; O kükütsüqo I shika piyelo!

LESHELE 105:45

tishianguno panongu pelo Pa zakütsüqo qhilu eno Pa yezah pape peniye ke. Ampeu sheqhelo!

LESHELE 40:8

O I Lhou, O gho-apulou shinikeu no I züküvüe; O yezah ye I mlo lo anie.”

LESHELE 13:3

Kümsüju no I khochile lo, O Ampeu I Lhou; ni ye akithi kumlhoshi züuve nosake I nhethi xükho tsülo,

IPEKULU 18:16

kughou panongu no kütsala keu ani keno, I lau ighi no I no milakhikhi dolo xathatsü cheni, eno panoqo pelo Alhou khuaye ngo ayezah ithipe chenie.”

BOTHUBO 26:5

kughengu Abraham no I tsa gholu eno I no shilo pikeu, I zakütsü, I khuaye, eno I yezah pape ke.”

Galatiami 3:21

Imaye Ayezah ye Alhouw pikiqhitsa bidelau keo? Khilemu kumoe! Kughengu aküxü ithulu peniye Ayezah tsü püaghi aye, Ayezah vecheo achipikaluni cheke.

ISAIAH 64:5

Khunono achipiu shikeu lono alovi cheni keno Nono tipaqo pütsa cheni, O laghi zünike O kümsülu kemi Nono pütsa cheni. Nono ni shou amloide, ikemu ningu no axine shi auve, ningu ye ado kushuo ni xine lo auve kehu ni xalu nanima?

LESHELE 119:54

I no kupokiche shichekeu kilo O yezah huno I lekungo shi ighivae.

LESHELE 119:24

O kükütsüqo ye I züküvüpu; tipaqo ye mijekütsümi ke.

NEHEMIA 9:13

Nono Sinai Toghi shou iqighi no atsütsü lono panongu pütsa eno achipiu ngo kuchou khuaye, akivi eno azakütsü pesü panongu tsüe.

NEHEMIA 8:12

Timi kümtsü no alokivi kije lono chusho eno kütami sasü küsaje nike wokhave, kughengu kiu pi keno panongu no vethaluve ke.

ZAKINIU 16:14

Nongu eno no tianuli, no qemi, Levimi, kachenami, mighimi, eno chimemi no phughi lo akemi sasü alovilo.

ZAKINIU 16:11

Ampeu nongu Lhou no Pa je ghenguno kishetsü ke-a lo wuno Pa zülono nongu eno no tianuli, no qemi, Levimi, kachenami, mighimi, eno chimemi no phughi lo akemi sasü alovilo.

KUKAMI AKINIU 17:37

Akhuaye, pimheye, ayezah, eno azakütsü khikhi Pa no nongu ghenguno yetsü keno tsaqüi papelo. Nongu ye kütau lhouqo sümsa moni,

LESHELE 93:5

O Ampeu, O yezah ye pükhübekulu ke; O chineki ye kuchou no akimthe ke, O Ampeu, alhokupuju kutolo ke.

LESHELE 111:7

Pa u no mlakeu kümtsü pükhükulupu eno achipi ke; Pa zakütsü kümtsü pükhübekulu ke;