LESHELE 19:14 - Sumi Naga CL (Re-edited) Bible (BSI)

¹⁴ I kichi lono piqhikeu tsa eno I mlo lo kümsükutho keu O zülo ikhikulupu shipelo, O Ampeu, I tuqu eno I xachilekuluu.

BAIBEL (BSI)

¹⁴ ikichilo piqhikeu eno imlolo kumsu keu ozulo ikhikulupu shipelo, O AMPEU, ituqu eno ixachilekuluu.

LESHELE 19:14 Referans Kwoze

LESHELE 104:34

Iw kümsükutho Pa lau ikhikulupu shipelo, kughengu ni ye Ampeu lau alovi cheni.

LESHELE 51:15

O Ampeu, I mütsü xükho tsülo, eno I kichi lono O shekiqhe sheshuni.

LESHELE 119:108

Iw shekiqhe pulokini kümllagho ikhilu tsülo, O Ampeu, eno Ow pimheye I shikalo.

1 Peter 2:5

aküxüpu tuquqo toi nongu ampi pesü aghungulo chineki shiqhetsü, akimthe chine kümlapu shilupe, eno Jisü Khristo vecheo aghungulo ghakishi pesü Alhou lau ikhikulupu shi mllalu peke.

AHOLE 15:8

Kixikilami ghakishi ye Ampeu zülo aphikümqhüpue, ikemu timi kivimi kighini no ikhikulupu shi cheni.

JOB 19:25

Ikemu I xachilekuluu ye xüani kepi I no ithi ani, eno ashekha lo Pa no ayeghi shou puthugho nanie.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

IBRIMI 11:4

Aküpülü lono Abel no Cain nguno ikhikulupu ghakishi Alhou lau tsü, eno Alhou no pa kümllagho ikhilu tsüno aküpülü vecheo pa ye amikucho kepi kihi tsüe. Pa ye thive namu aküpülü vecheo pi chephie.

Rommi 15:16

Alhou tsakiviu kümlapu lo achinemi lakhi shi Jewkumomi lau Khristo Jisü tsapeu shi peniye ke, tishianguno panongu ghi Aghungu Kimthe vecheo shikimtheve no akümllagho toi ikhikulupu shi peniye ke.

ISAIAH 47:4

Ni Xachilekuluu, aqokitikhi Mpeu no Israel Lhou Akimtheu ke.

IBRIMI 13:15

Jisü vecheo ningu tamono Alhou lau shekiqhe ghakishi tsüni nolo, ti ye akichi lono pa je piphe tsüni keue.

1 Thes. 1:10

eno Pa Nu Jisü khuu akithi lono xüputhupe aloghu ighini ye akeu lono ni xaphelu nani keno, nongu no kishi Pa ikighi khekuto cheni keno, panongu ampi no pesü pike.

ISAIAH 44:6

Ampeu, Israel kükau eno pa Xachilekuluu, aqokitikhi Mpeu no ishi piani: “Ni ye atüghüu eno ashekhau; I nguno alhou kütau kühae.

ISAIAH 43:14

Ampeu Israel Lhou akimtheu, nongu xachilekuluu no ishi piani: “Nongu xalu niye I no Babylon lo ghüshimi puwuni, eno tile küami kümtsü kügha süghi peni, Chaldeami, pano zükilu lo alokivishi chekeqo ghi saghi peni.

ISAIAH 54:5

Kughengu o lhokeu huno o kimi shivae, Pa je ye aqokitikhi Mpeu ke, Israel Lhou akimtheu no o xakuluu ke, Pa ye ayeghiqha Lhou kepi Pa kucheni.

Piyeküsü 5:9

Panongu no ale kithe hitoi phe, “Nono liküküzü kaku ikhilu no michida xükho küzüe, kughengu No ye ghiqhive, eno Nono O ji pesü ashiaye, atsa jeli, timi mqo eno shiye kümtsü xachile sawo Alhou tsü,