LESHELE 16:7 - Sumi Naga CL (Re-edited) Bible (BSI)

⁷ Ampeu khuu I mijetsü cheni keno I no sheqheni; putho lo ghi I mlo no I qophe acheni.

BAIBEL (BSI)

⁷ Ino AMPEU sheni kughengu pano isapheke, eno imlono putholo iloputsu tsu cheni.

LESHELE 16:7 Referans Kwoze

LESHELE 73:24

Ow mijekütsü no I la kichetsü, eno ashekha lo Nono ajuküvü lono I saluve nani.

ISAIAH 50:4

Ampeu Alhou no tsaqüi khuno qoputhuve akeno tipano mili pesü I tsüvae, tishianguno I pelo akulho shive kemi shikumtolu peniye ke. Inaqhe atsütsü Pa no I pelo tsaqüi qoputhuve kemi toi chilu peniye I küda cheni.

LESHELE 77:6

I no pi, “Putho lo I pelo I le kümsülu pelo; I pelo I mlo lono kümsüputho pelo.” Tileno I ghungu no aghüthi küxü shi phujue:

LESHELE 17:3

Nono I mlo pejuvae, putho lo Nono I xuju ighi, Nono I pejuve ake kiumu ithulumo nani; I kichi ye axine shimoe pi I no thebeivae.

LESHELE 63:6

I no I züa lono O kümsülu, eno putho mta lo O lau kümsüputho acheni;

LESHELE 42:8

Puchou no Ampeu no Paw iqemokeu kikimiye piye, putho lono Pa le no I lolo ae, I küxü Lhou lau akighini shie.

ISAIAH 48:17

Israel Lhou akimtheu, nongu Xachilekuluu, Ampeu no ishi piani: “Ni ye nongu Mpeu Alhou, I no nongu pelo ala shipenike shika cheni, nongu laghi kichepiye cheni.

ISAIAH 26:9

Putho lo I ngulho no O laju cheni; I lolo no müamzü O phu cheni. Kughou ayeghi lo Ow küghakütha ighini keno, tile akemi no achipiu mikucho shikalu nani.

AHOLE 8:14

Ni ye mtsümishei keu lokütsü pesü ala kichetsü cheni; ni ye kuthoküzü kighithi ani; ni ye akumto ani.

LESHELE 119:55

Putho lo I no O je kümsülu cheni, O Ampeu, eno O yezah pape cheni.

JEREMIYA 17:10

“Ni Ampeu no amlo phuju cheni eno akükümsü peju cheni, timi lakhikhi laghi, pa kümla xathi kiqi lono agho tsücheni.”

Luke 6:12

Ghulo lakhi Jisü no atoghi lo inikhu nike iqho, eno puthotsü pa ye Alhou lau inikhu ae.

Piyeküsü 2:23

eno li laghami qhoi ghavetsü nani. Tileno akukuhou kümtsü no Khuu timi kükümsü-mlo lheju cheni keno Pa huye Ni kepi ithi nani, eno nongu lakhikhi lau pütüta kümla kiqi lono I no ajume tsü nani.

LESHELE 119:7

Kughou I no O mikucho yezah shika luni keno, amlo kimthe pesü I no O sheqheni.

LESHELE 119:148

I nhethi miyi mono puthotsü ngoe; tishino I no O shoqhi lo kümsüputho niye shike.

LESHELE 77:2

I veküsa tsala lo I no Ampeu phuwue; I no qeive mono puthotsü I u sükhope inikhue; I ngulho no alokughuno shinike mili auve.

LESHELE 22:2

O I Lhou, I no puchou no ighamku kemu Nono I khochile moe, I no putho lono ighamku kemu ni ye akulhoqhi mlae.

JEREMIYA 12:2

Nono panoqo shosü, panoqo no akuhu qüilolu eno thuiku eno axathi pithi; Nono pano kichi lo ngo kemu pano mlo lono putosüve.

LESHELE 73:21

Kughou I ngulho no kukhukimji shi akeno, I mlo no ghüza pesü akelo,