LESHELE 145:1 - Sumi Naga CL (Re-edited) Bible (BSI)

¹ I Lhou eno I kükau, I no O sheqheni, pülhapuju eno alholo O jepipi tsüni.

BAIBEL (BSI)

¹ ILhou eno ikukau, noye kije kepi ino asheshuni; Alhokupujulo ino oshikimthini.

LESHELE 145:1 Referans Kwoze

LESHELE 45:6

O Alhou, O kükalakhü ye alhokupuju eno alholo ke. O kükaküsü ye achipiu küsü ke;

LESHELE 30:12

tishino I juküvü no O sheqhe eno inaqhoive pemoe. O Ampeu I Lhou, ni ye alhokuthu shikimthi keu O tsü nani!

LESHELE 34:1

Ado kümtsü lo I no Ampeu sheqheni; I kichi lo Pa sheqhe keu ye taveni chemoe.

MATTHEW 25:34

Tileno Akükau no pa u ajeu akeqo vilo pi nani, ‘Ighilo, nongu I Pu no kümghatsü keqo, ayeghi boqha ghoke lono nongu ghenguno kutope püakeu yekipe mheghi ighilu lo.

ISAIAH 33:22

Kughengu Pa ye niw Xaküthau, Azakütsüu; Akükau ke; Pa no ni xalu nani.

LESHELE 45:1

Atsato kivi no I mlo lo qole ani; I no I lejo pesü akükau huthue; I mili ye akiyemi yesüta kutope aketoi ani.

LESHELE 44:4

No ye I kükau ke, O Alhou; Jacob ghenguno xakulu kuto tsülo!

LESHELE 30:1

I no O sheqheni, O Ampeu, kughengu Nono I sünhephe eno I ghümi pelo I shou alovi pemoe.

Piyeküsü 19:16

Paw chijeboike phi eno pa lukobo lo aje hipau yepuku püa, kükami shou Akükau eno ampemi shou Ampeu.

MALAKI 1:14

Pishikiqhiu khuu no ambeloji lo atsü lakhi akeu pesü mllani kepi tushoqhive no tukutiye akeu pesü Ampeu lau agha shini keno pa ye angusüpue. Kughengu Akükau akijeu ye Ni ke, aqokitikhi Mpeu no pi, eno shiyeqo dolo I je sümsa nani.

DANIEL 4:37

Itehi ni, Nebuchadnezzar no kungugha Kükau sheqhe eno agigihu tsü ani, kughengu Pa kümla kümtsü kuchou eno Pa laghi ye achipi; khunono no aqheküza lono checheni keno Pa no kuchunive cheni.

LESHELE 149:2

Israel pelo Pa Pulhoküsüu lau amlokiqi shipelo; Zion tianuli pelo pano kükau lau alokiqi shipelo!

LESHELE 145:21

I kichi no Ampeu shekiqhe tsa pi nani, lhoxü kümtsü no pülhapuju eno alholo Pa kimthe je shelo.

LESHELE 100:1

Ayeghiqha kümtsü no Ampeu lau alokivishi ighalo!

LESHELE 95:3

Kughengu Ampeu ye akughushu Lhou, eno alhou kümtsü shou akughushu Kükau ke.

LESHELE 68:4

Alhou lau ale phelo, Pa je shipili ale phelo; khuu asayeqha lo checheni keno Pa lau ale phelo; Pa je ye Ampeu ke; Pa zülo alovilo!

LESHELE 52:9

I no alholo O shikimthini, kughengu Nono hi shive tsüe. I no O je lono Alhou küpülümi gholono lajukhe nani, kughengu hi ye akivi ke.

LESHELE 5:2

I kükau eno I Lhou, I küqa ghügha chilu tsülo, kughengu O lau I no inikhu ani.

YEKIKITHI ATUGHIU 29:13

Itehi, ningu no O shikimthi eno O je kughushu sheqhe ani O ni Lhou.

LESHELE 5:3

O Ampeu, Nono inaqhe I sütsa chilutsü cheni; I no inaqhe O ghenguno aghakishi kutope jukutoe.

LESHELE 30:2

O Ampeu I Lhou, kuphu penike I no O lau ighamkue, eno Nono I shipivive tsüae.

LESHELE 75:9

Ikemu I no alholo hipau sheshuni; I no Jacob Lhou lau shekiqhe le pheni.

LESHELE 96:2

Ampeu lau ale phelo, Pa je sheqhelo; tsalakipetsü Paw xakulu ghili pilo.

LESHELE 118:28

No ye I Lhou, I no shikimthi keu O tsüni; No ye I Lhou; I no O sheqheni.

LESHELE 146:2

I no xüake tivilo ni ye I Lhou sheqheni. I küxü akelo ni ye I Lhou lau shikipili le pheni.

ISAIAH 38:20

Ampeu no I xalu nani eno ningu no akighilebo pesü ni küxü tivilo Ampeu ki lono ale pheni.