LESHELE 140:3 - Sumi Naga CL (Re-edited) Bible (BSI)

³ Apighi toi panongu mili ye tsüghaminhei ke, eno pano kichi ye tuopighi tüghü toike.

BAIBEL (BSI)

³ Panoqo miliye apighi mili toi tsughaminhei, panoqo tsaye tuu-pighi tughu toike.

LESHELE 140:3 Referans Kwoze

LESHELE 58:4

Panongu ye apighiw tüghü toi keu tüghü xapu cheni, tuopighi akini kughupou no chilu moveke toike,

2 Kor. 11:3

Ikemu apighi no mqümgha shino Eve pishiqhive ketoi nongu kükümsü ghi mtsümishei eno tsaqütsalei Khristo lau amlotsü chekeu lono saküghüzüve nosake ni ye msa ani.

AHOLE 23:32

Ashekha lo tino tüghükupu pighi toi mighiqhi nani.

MATTHEW 12:34

Nongu apighitiqo! Nongu ye küsaküghami ke kishino akivi tsa piluni kea? Kughengu amlo alou kupukuno shi akeu akichi no piphe cheni.

JEREMIYA 9:5

Kümtsü no pa kisüghümi pishiqhi, eno khunomu kuchou tsa pimoe; panongu mili pelo akimki tsa pi penike shikae; panongu ye axine shikeno akulhoshi cheni.

JEREMIYA 9:3

Panongu no pano mili pesü asüzü toi sükuho; kuchou no kumono akimkiu no ayeghi lo mtotoi thuwu ani; panongu no axine lakhi lono lakhiu shino Ni ithimo ke, ipi Ampeu no asheshu.

LESHELE 57:4

I ngulho ye abongshuu dolo ani; ni ye mghamichi keu tüghashi dolo ihozü ani— timi nuliqo, panow ahu ye angupa ngo apijiqo ke, pano mili ye azütakikihi kütsügha ke.

ISAIAH 59:13

ningu no Ampeu hebide eno Pa milive ke, eno Alhou launo tsüghüsü wuve, kütami qodani keu ngo kumghoni keu tsa piuve, eno akimki kükümsü ngo akimki tsa pini ke amlo lono xathave ke.

AHOLE 12:18

Chokilhemi tsapi ye azütakikihi pesü chuxuqhi keshi, ikemu alokütsümi mili no shipivilu cheni.

BOTHUBO 3:13

Tileno Ampeu Alhou no totimi vilo pi, “No ye hi ye kiu shive akea?” Totimi huno pi, “Apighi no I pishiqhive, eno ni ye chuveke.”

LESHELE 59:7

Panongu ye hule ani, pano kichi lono ghubolei igha ani panoqo mütsü lo azütakikihi ani— kughengu panongu no kümsü, “Khuu no ni tsa chiluni kea?”

AHOLE 6:14

chighichilai keu mlo xapu alhoksa kuchughu, tamomithe aküküpna xusü cheni;

AKUMLO 3:62

I ghümi mütsü eno akükümsü no atsala kupuju I lachile anie.