LESHELE 138:7 - Sumi Naga CL (Re-edited) Bible (BSI)

⁷ I no aveküsa lo cheche namu, Nono I küxü püxü tsüe; Nono O u xachhope I ghümi loghu tuchile, eno O u ajeu no I xaphe tsüke.

BAIBEL (BSI)

⁷ Akupunano isuhuluve namu, nono ikuxu puxutsuke. Nono oghumi loghu shou o-u chho puwuno okuka pesu ixalue.

LESHELE 138:7 Referans Kwoze

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

LESHELE 85:6

Ow timiqo pelo O launo alokivi shilu apenike No ye ningu pesü xükithe tsü monani keshea?

Apostolmi 2:33

Pa süqhepe Alhou u ajeu qhive no Apu launo Aghungu Kimthe piqhi püakeu ithulu kethiu, nongu ampi no ithulu eno chilu akeu hi ye pa no ningu shou lepuku tsükeu ke.

ISAIAH 5:25

Tighenguno Ampeu loghu no Paw timiqo shou ikughi, panoqo shou Pa u chho no ghimeqhi kelo naghutoqo no ithathuve; akithi kumo no alaghila lo tübatüzü toive. Ikeghi Ampeu mlokighide ye iqü mono ghime ae.

ISAIAH 10:4

Akughumi gholo sünhe sawumo aye pithive kemi gholo ikiqi nani. Ikeghi Ampeu loghu ye tave mphi eno Pa u ye xachhope aphike.

JOB 13:15

Pa no I ghiqhive kepu shinamu ni ye Pa laju anani; tishimu ni ye I sheamzü tsa pesü Pa zülo wuni aphie.

JEREMIYA 51:25

“O kütsale chekeu naghuto, Ni ye o küla ani, ipi Ampeu no sheshu, nono ayeghi kütsale ke; I no o shou I u chhopuku nani, atuxu lono o kulu piqi nani; eno o pesü pitileve keu naghuto shive tsü nani.

LESHELE 60:5

Nono qhuivü chekeqo xalu penike O u ajeu no xakulu tsüno ni khochile tsülo!

LESHELE 17:7

O, aghümi launo O u ajeu sükusho phuche kemi Xakuluu, akümzapu shi Ow iqemokeu kikimiye piye tsülo.

LESHELE 77:10

I no pi, “Shishe Akiqheu u ajeu no I mlo kighishi kilive tsüae.”

LESHELE 44:3

kughengu pano zütakikihi pesü ayeghi leluke kumoe, momu pano kumto no pano xaluke kumoe, ikemu O u ajeu eno O kumto, eno O gi küvü vecheo ke, kughengu Nono panoqo shou O züküvü ake.

LESHELE 18:35

Nono Ow xakulu züto pesü I tsüvae, eno O u ajeu pesü I saphu tsüe, eno O kümtsha no I pelo kije shilupe.

LESHELE 56:9

Tishiaye kughou I no inikhuni keno tipau tsalani I ghümiqo ye idechile wove nani. I no hi ithi anike Alhou ye I ghenguno anie.

LESHELE 20:6

I no ithive ake Ampeu no nukishe luve kemi xalu cheni; Pa u ajeu kumto pesü Paw kungugha kimthe lono khochile nani.

ISAIAH 9:21

Manasseh no Ephraim, eno Ephraim no Manasseh süqhi; pama küqhano Judah mjochile. Ikeghi Ampeu loghu ye tave mphi eno Pa u ye xachhope aphike.

ISAIAH 9:17

Ikehu Ampeu ye apumi, mighimi, chimemi jupe amloqi eno kimiye luamoe; kughengu kümtsü Alhou ithimo no akümla lhoksa shi, eno mbomzü tsa likhi picheni. Ikeghi Ampeu loghu ye tave mphi eno Pa u ye xachhope aphike.

ISAIAH 9:12

Kipelau no Syriami eno kulolau no Philistiami no abaxa mkupe Israel munovae. Ikeghi Ampeu loghu ye tave mphi eno Pa u ye xachhope aphike.

ISAIAH 57:16

Ni ye alhokupuju panoqo nguku auvemo nani, momu alhokuthu panoqo shou amloide monani; kughengu tishive aye, I no lhokeu tuthu ngo angulho no I nhethe lono qeinaive nani.

LESHELE 18:17

Pa no I ghümi kumto launo eno I mithi chekemi launo I xaphelue, kughengu panongu ye I ghenguno shishe akumto ke.

LESHELE 18:18

I mhekiqi tsala lo panongu no I mjochile, ikemu Ampeu no I sakuphuu shie.