LESHELE 136:11 - Sumi Naga CL (Re-edited) Bible (BSI)

¹¹ eno Israelmi sasü panoqo dolono ipeghie, kughengu Paw iqemokeu kikimiye ye alholo acheni;

BAIBEL (BSI)

¹¹ Pano Ijip lono Israilmi sasu ipeke; pa kikimiye ye lhokta kutolo acheni.

LESHELE 136:11 Referans Kwoze

IPEKULU 12:51

Eno tipa tsalani no Ampeu no Egypt yeghi lono Israelmi aqokitikhi saipeghive.

IPEKULU 13:3

Tithiu Moses no timiqo vilo pi, “Ishi tsala lo nongu no Egypt lo aqüaxe ki lono ipeghi keu kümsülu chelo, kughengu au kumto vecheo Ampeu no hipa-a lono nongu saipeghi ke. Kholaqhi sükeu sho chumoni.

LESHELE 105:37

Tithiu Pa no Israelmi saipeghi no ghükayi eno ameshoyi xapu wuvepe eno Pa shiayeqo dolo ashiaji khokhoshi kemi khumu kühae.

LESHELE 78:52

Tithiu Pa no Paw timiqo ambe toi saphe sawu eno yenguyike-a lo ambe loji toi ala kiche sasü wuve.

IPEKULU 13:17

Kughou Pharaoh no timiqo puwuve keno, Philistiami yeghi küdau no akughukhou shi akemu Alhou ye panoqo sasü tipa la wumoe. Kughengu Alhou no pi, “Kughou timiqo no aghükishi ithuluni keno, panongu ye amlo kilive no Egypt lo idewove nosae.”

IPEKULU 12:41

Ampe 430 kishekhake tsalani, Ampeu aqokitikhi kümtsü Egypt lono ipeghive.

IPEKULU 12:42

Hi ye Ampeu no Egypt yeghi lono panoqo saipeghi niye khekuto keu ji ke; titoi Israelmi kümtsü no ighini keu tiqheli kutolo Ampeu gihu nike hipa jilo khekuto amasa keu shie.

IPEKULU 13:9

O u lo eno o kishe lo hipau no amchipu eno kümsümamo keu shi qhilo, tishianguno o kichi lo Ampeu yezah apenie. Kughengu Ampeu no au kumto pesü no Egypt lono o saipeghi ke.

IPEKULU 13:14

Eno hithiu o nu no o vilo, ‘Hi ye kiu kiqi kea?’ ipi ighiju aye, no ye pa vilo pilo, ‘Aküka kumto lono Ampeu no Egypt lo aqüaxe küxü lono ningu saipeghi ke.

IPEKULU 13:16

O u lo eno o kishe lo hipau pesü amchipu shi qhilo, kughengu aküka kumto vecheo Ampeu no Egypt lono ningu saipeghi ke.”