LESHELE 134:3 - Sumi Naga CL (Re-edited) Bible (BSI)

³ Ampeu, khuu kungugha eno ayeghi pulhosü keno, Pa pelo Zion lono nongu kümghatsü peniu!

BAIBEL (BSI)

³ AMPEU, khuno kungugha eno ayeghi lhokusuu MPEU pelo Zion lono nongu kumghatsu peniu!

LESHELE 134:3 Referans Kwoze

LESHELE 128:5

Ampeu no Zion lono o kümghatsü peniu! O küxü kupuju lo Jerusalem kinikülü o pelo ithulu peniu!

LESHELE 124:8

Khuu no atsütsü ngo ayeghi pulhosü keno ni kukuphu ye Pa je lo anie.

Rommi 11:26

Eno hipa ghola lono Israelmi kümtsü xaluve nani, ti ye ishi yepüake toi, “Xaphekuluu ye Zion lono ighi nani, Pa no Jacob lagha launo küsakügha ikhive tsü nani”;

LESHELE 135:21

Zion lono Ampeu sheqhelo, khuu Jerusalem lo ani keno, Pa sheqhelo! Ampeu sheqhelo!

LESHELE 20:2

Akimthe-a lono Pa no akukuphu o tsüpuwu no Zion lono sakuphu o tsü peniu!

LESHELE 110:2

Ampeu no ow akughushu yekipe küsü Zion lono puwu tsüke. O ghümi gholo ayepelo!

LESHELE 14:7

O, Israelmi ghenguno Zion lono xakulu ipeghi keaye lae! Kughou Ampeu no Paw timi ngukümgha tsüchileni keno, Jacob no alovi pelo, Israel no alokiqi shipelo.

RUTH 2:4

Eno julo, Boaz no Bethlehem lono hughi, eno ghile kuhumi vilo pi, “Ampeu no nongu gholo apelo!” Panoqo no khochile, “Ampeu no o kümghatsü peni.”

LESHELE 20:3

O kümllagho kümtsü Pa no kümsülu eno agigihu lono o kipti kümllagho ikhilutsü peniu!

LESHELE 115:15

Ampeu, atsütsü eno ayeghi pulhoküsüu pelo nongu kümghatsü peniu!

LESHELE 136:5

Pa lokütsü pesü Pa no kungugha lhoe, kughengu Paw iqemokeu kikimiye ye alholo acheni;

ZEKHARIA 12:1

Israel ghenguno Ampeu tsa: Ampeu khuu atsütsü xachhope qhino ayeghi lhophe eno timi lolo aghungu sütsü keno Pa no hitoi sheshu ani: