LESHELE 127:3 - Sumi Naga CL (Re-edited) Bible (BSI)

³ Julo, atianuli ye Ampeu launo ighikeu mheghi ke, atita lo xathi ye asaxü ke.

BAIBEL (BSI)

³ Atianuliye AMPEU launo ighikeu mheghikivike; panonguye kukumgha kuchouke.

LESHELE 127:3 Referans Kwoze

ZAKINIU 28:4

Nongu polo ikighi tianuli, alu lo tüxatini, atsüaqu eno pichepighi lhoxü kümtsü kughuko luno kükümgha ithulu nani.

SAMUEL ATUGHIU 1:27

Anu hipau ghenguno I no inikhu, eno I no qhüiniju ketoi Ampeu no I khochileve tsüae.

ISAIAH 8:18

Julo, ni eno atianuli khunoqo Zion Toghi lo achekeu aqokitikhi MPEU no I tsü keno, ningu ye Israel ghenguno Paw michipu eno xüakeu thopi ke.

BOTHUBO 48:4

eno I vilo pi, ‘Julo, I no o pelo athi pithi eno kughuko lupe nani, eno timi aqokitikhi shivepe nani, eno pülhapuju mheghi shi ayeghi hipau pesü o shelo o tikughukoqo tsü nani.’

BOTHUBO 33:5

Kughou Esau no pa nhethi tsüpuku no jupuwo keno totimi eno atianuliqo ithulu, eno pa no pi, “O gholo hipaqo ye khunoqo kea?” Jacob no pi, “Alhou no küpüqhiyi atianuli o qeu tsükeqo ke.”

BOTHUBO 1:28

Eno Alhou no panongu kümghatsü, Pa no panoqo vilo pi, “Athi pithilu no kughukolu lo, ayeghi nhakhalu no qhasülu lo, eno azüghi lo akha shou, atsütsü lo aghauqo shou, eno ayeghi lo itikiche lhoxü kümtsü shou qhasülu lo.”

BOTHUBO 24:60

Eno panongu no Rebekah kümghatsü no li vilo pi, “Ni chepu, o pelo qhethonhe no qhethonhe paza shilu peniu, eno o tikughuko no pano mithi chekeqo khagho lelu peniu!”

YEKIKITHI ATUGHIU 28:5

Eno I nuliqo dolo (kughengu Pa no anuli kutomo pesü I kümghatsü kehu) Solomon pesü Ampeu kükalakhü lo iqa no Israelmi shou ayepe penike kishe luvae.

ISAIAH 13:18

Pano süzü no lhothemi kaqhi nani; akichhelo kupu eno itimiqo shou mu kimiyeqhiyi keu piyemo nani.

BOTHUBO 4:1

Adam no pa nipu Eve ithive kethiu li ye mishive no Cain punu, eno pi, “Ampeu kukuphu vecheo ni ye anu ithuluvae.”

ZAKINIU 28:11

Ampeu no nongu puasüqo tsünike tushoqhi keu yeghi lo kinikülü kupukuno shi nongu tsü nani, no tianuli kughuko tsü, pichepighi lhoxü lo eno tüxatini kümgha tsü nani.

XAKUTHAMI 12:9

Pa ye anu shighi, anga shighi, pa no pa ngaqo pesü alagha kütami kilo külapuwu eno pa nu shighi pelo inalimi shighi sasü külakupu shilupe. Pa no ampe tsüni Israelmi shou xaküthau shi.

SAMUEL AKINIU 3:5

akütsüghou no Ithream, David nipu Eglah nu ke. Hipaqo ye Hebron lono David lau punue.

YEKIKITHI ATUGHIU 8:40

Ulam nuliqo ye aghütomi eno asüzü kipe lo shitsami, pano tianuli kümtsü lo 150 ae. Hi kunguu aje akemi kümtsü Benjamin laghami ke.

JOB 1:2

Pa ye ati-anuli kiptimi tsüni eno totimi küthü ache.