LESHELE 124:4 - Sumi Naga CL (Re-edited) Bible (BSI)

⁴ tishike aye züqozü no ningu yipe wuve aghini cheke, tsüqhu-tsüghu keu no ningu shou ikughiveni cheke;

BAIBEL (BSI)

⁴ tishike aye atshunazuno ningu yipewuve aghini cheke eno azuno ni nhaluveni cheke,

LESHELE 124:4 Referans Kwoze

Piyeküsü 17:15

Kungumi huno I vilo pi, “Aghoki khipaqo shou kütüqhaliu no iqa akeu nono ithulu püa keno tipaqo ye timi aqokitikhi, shiye eno atsa jeliqo ke.

LESHELE 69:15

Züqozü no I vesüvepe kevi, akuthoku no I munovepe kevi, momu aqo lo ilovepe kevilo.

ISAIAH 59:19

Tishikeu lono kulolaumi no Ampeu je sümsa nani; eno khetsünhe kipelaumi no Pa juküvü sümsa nani; kughengu Ampeu mülhü no fukucho kelo, aghoki no iqhaighu qoiqi aketoi Pa ye ighi nani.

LESHELE 69:2

Ni ye aniba thonheike-a lo apukhu kinepu kühano ilo cheae; ni ye azükutho lo iloghivae, eno züqozü no I vesüvae.

LESHELE 32:6

Tighenguno O phulu kepu do-ghuloki lono Alhou ithi kemi kümtsü no akighini lono O lau ighilu pelo; mtsüqheino lakhamla keu zü kije qoighi kelo tino pa tomo nani.

Piyeküsü 17:1

Tileno kungumi tsüni khunoqo u lo abohu tsüni akeno tipaqo gholo lakhi no ighi no I vilo pi, “Ighilo, kütüqhaliu khuu aghoki kutomo shou iqa ani keno, li shou küghatha keu I no o piyeni,

DANIEL 9:26

Apinedo lhotsügho kini thiu, nukisheve keu hu ye heqhive nani eno kiumu kühave nani. Eno ighini ye akeu kükapuuw timiqo no mishighüna eno akimthe chineki kütsave nani. Züqozü gholono pa shekuho ighi nani, eno tipau kishekha nike ghenguno aghükishi anani. Pighiveni keu za tsüvae.

ISAIAH 28:2

Julo, pasapagha lo mürasü qikeu no kütsale chekeshi, tsüqhu-tsüghu keu züno aqha kuchopu kuchole ighi keshi, Ampeu no aküka kumtomi lakhi puwu no pa u no panoqo pesü ayeghi lo vedape nani.

LESHELE 42:7

O züphapha ghügha igha kelo, akuthoku no akuthoku kue; azü kighide qochile ilove keu ngo qoipeghi keu kümtsü I shou ikughivae.

LESHELE 18:4

Akithi kighi no I botha luve; shiküpsa zükuqo no I vesüvae;

JOB 22:11

o pelo ithulu pemo niye aküzü no ke-i o nhaluvae, eno züqozü no no yimivae.

LESHELE 18:5

Kithigha kighi no I meluvae; akithi lichhe no I sasü küpüghü ani.

LESHELE 42:8

Puchou no Ampeu no Paw iqemokeu kikimiye piye, putho lono Pa le no I lolo ae, I küxü Lhou lau akighini shie.

LESHELE 144:7

Kunguu no O u chhopiqi lo, azü kutho eno inaghami u lono I xaphetsü eno I xalu tsülo,