LESHELE 124:3 - Sumi Naga CL (Re-edited) Bible (BSI)

³ kughou panongu no pano loghu ni shou küiqü puku keno ningu ye aküxü no munoqhive aghini cheke,

BAIBEL (BSI)

³ tishikeaye panongu loghu kighide nishou akeulo ninguye akuxuno munoveni cheke;

LESHELE 124:3 Referans Kwoze

Apostolmi 9:2

Damascus sinagog lo tsüpuwu kepu yesü khu, tishianguno khuana Alaghi laumi, kiptimi na totimi namu, pa no phulu aye küghape Jerusalem lo ighi niye ke.

MATTHEW 2:16

Kughou Herod no ayepu kighithimi no pa mqüqhive kepi ithi keno, pa ye ighono axuideve, eno ayepu kighithimi launo pa no ado kihilu keu kiqi lono Bethlehem eno tipa tokukujo kümtsü lo anu kiptimi ampe kini eno tinguno aqhou thaqhü ghiqhi pithi khavepe.

DANIEL 3:19

Tithiu Nebuchadnezzar ye axuideve, eno Shadrach, Meshach, ngo Abednego noqo launo pa gi kilive. Pa no kuchughei keu miphoki thosülo nguno ghuthu tsüni no alau küiqü penike azah tsüve.

LESHELE 57:3

Pa no kungugha lono puwu no I xalu nani; Pa no I qoda akeu shikukujo nani. Alhou no Paw iqemokeu kikimiye eno pükhükulu puwu nani!

LESHELE 35:25

Panoqo pelo amlo lono ishi pipe kevilo, “Aha, ni mlo lo kümsü pulo ake toivae!” Panoqo pelo ishi pipe kevilo, “Nino pa munovae.”

LESHELE 27:2

Kughou kixikila shiche kemi no I ghüza niye I haqhini keno, I külami eno I ghümiu no küpxape veqhive cheni.

JEREMIYA 51:34

“Nebuchadnezzar Babylon kükau no I tsüchuvae; pa no I chunudaqhi; I pesü azühu kümsa akeu toive tsü; eno aghawu toi ni munove; pa no I chuqupu kivi pesü pa po sünhei luve no I puquleve.

AHOLE 1:12

Kithigha toi ningu aküxü no panoqo munoveni, eno aqolo ikiqi ilove kemi toi akupuju no munoveni;

LESHELE 83:4

Panongu no pi, “Ighilo, ningu pano shiye kütsaveni; Israelmi ye alholo kümsümave penie!”

LESHELE 76:10

Mtsüqheino O loghu ighikeu lono timi no O sheqhe nani; eno aloghu lono ghükulumi ye ghasü-hasü luve cheni.

LESHELE 74:8

Panongu dolono pi, “Nino qhoi panongu qhasü luveni”; aghakhu lo Alhou kümlla-a kümtsü panongu no pitive tsüe.

ESTHER 3:6

Ikemu panongu no Mordecaiw timi ye khuno keno pa vilo pive kehu, pa ye Mordecai shou likhi pa u beni keu süchileve. Eno Haman no Ahasuerus kükaqha lo Mordecaiw timi Jewmi kümtsü kütsaveni ke alaghi phuthuve.

JONAH 1:17

Ampeu no Jonah munove peniye akha kije lakhi puwu. Jonah ye pucho tsala küthü eno putho tsala küthü akha polo ngove.

LESHELE 83:5

Kughengu panongu no akükümsü lakhi lono kuchughue; panongu no O lachile visho shie