LESHELE 122:9 - Sumi Naga CL (Re-edited) Bible (BSI)

⁹ Ni Lhou Ampeu ki ghenguno I no o kivipu phuni.

BAIBEL (BSI)

⁹ NiLhou AMPEU ki ghenguno niye opelo kinikulu shilupe nike khuini ani.

LESHELE 122:9 Referans Kwoze

NEHEMIA 2:10

Ikemu akükau qemi Horonmi Sanballat ngo Ammonmi Tobiah pama no timi khami Israelmi kivipu ghenguno mlani ye ighi ani pi kelo ighono amlo qimove.

LESHELE 84:10

Kughengu O chineki lo ghulo lakhi akeu huno khileala ghulo qhethonhe akeu nguno akiviu ke. Kixikilami kilo xüani kepu ye I Lhou ki hukikha kheu shi auve keu pavie.

John 2:17

Pa khopemi no ishi yepüa keu kümsülu: “O ki ghenguno alokümsü shikeu no I pitipüza nani.”

LESHELE 69:9

Kughengu O ki ghenguno müamzü keu no I pitipüza, O thogha kemiw thokügha no I shou ikughivae.

LESHELE 26:8

O Ampeu, ni ye O kungoki kimiye cheni, eno O juküvü no khile ani keno ti kimiye cheni.

ESTHER 10:3

Kughengu Jewmi Mordecai ye Akükau Ahasuerus shelo akiniu shi ache, eno pa ye Jewmi dolo kije eno pa thiküzümi aqokitikhi dolo ajekipi shi ache, kughengu pa no timiqo kivipu ghenguno mlaitha che eno külakishi tsa pesü paw timi kümtsü vilo piche ke.

NEHEMIA 13:14

Hipaqo ghenguno I kümsülu lo, O I Lhou, eno I no akümla kivi I Lhou ki ghenguno mla püakeqo ngo Pa qe huthu keu pühave tsü kevilo.

YEKIKITHI ATUGHIU 29:3

Akimthe ki ghenguno tinhemgha tsüve keu gholo itaghi I no I Lhou ki kishilo amlo tsüqhiyi chekeu ghenguno Iw lüthü kinibo lono ameshoyi ngo ghükayi hitoi tsüve ani: