LESHELE 119:33 - Sumi Naga CL (Re-edited) Bible (BSI)

³³ O Ampeu, O zakütsü laghiqo I shika tsülo; eno I no ashekha kutolo tipau papeni.

BAIBEL (BSI)

³³ O AMPEU, oyezah kiqi pesu ishika piyelo, eno ado kumtsulo niye tipaqo ghokulu shini.

LESHELE 119:33 Referans Kwoze

1 John 2:27

Ikemu Khristo launo Aghungu Kimthew nukikishe ithulu keu huno nongu lolo ani kehu nongu ye khuana pelo shikape kepu vehu kiumu kühae. Ikehu azüu no nongu shikave ketoi Pa Ghungu Kimthe no thokha pesü nongu shika kelo ti ye kuchou kethono kichileu kumo ke—Pa lau kimepe achelo.

ISAIAH 54:13

O tianuli kümtsü Ampeu no shika nani, eno o tianuli lau alakishi shishe kije tsü nani.

FILIPIAMI 1:6

I no mtsüqhei hi pi ani, khuu no nongu lolo akümla kivi huthutsü keno Pa no ti pekibewo Jisü Khristo ikighi Tsala lono kupukülai kishekha tsü nani.

LESHELE 119:12

O Ampeu, O sheqhe ani; O kükütsüqo I shika piyelo!

John 6:45

Tungkupmi kaku lo ishi yepüani, ‘Panongu kümtsü Alhou no shika nani.’ Apu tsa chilu no Pa launo shikalu keqo kümtsü I lau ighi cheni.

MATTHEW 24:13

Ikemu khuu no ashekha kutolo kutuu luni keno xaluve nani.

Piyeküsü 2:26

Khuu no theqhilu no ashekha kutolo I kümla shini keno, pa pelo shiyeqo shou ayepe penike I no kükagha tsü nani,

MATTHEW 10:22

I je ghenguno timi kümtsü no nongu mithi nani. Ikemu khuu no ashekha kutolo puqhe luni keno, pa xalu nani.

LESHELE 119:112

Ashekha kutolo I mlo pelo O zakütsüqo papelu pelo.

LESHELE 119:8

I no O yezah papeni; khilemu I pheve tsü kevilo!

LESHELE 39:2

I no atsa pimove no inaqhoive; tshamla namu I no kutuu ngoe, ikemu I ghime alau shikitheve.

LESHELE 119:2

Khunono Pa yezahqo pape lucheni, pano mlo kuchopu no Pa phucheni keno alokivipue,