LESHELE 119:139 - Sumi Naga CL (Re-edited) Bible (BSI)

¹³⁹ I xukighide no I pitipüzaqhi, kughengu I ghümi no O tsa kümsümave ke.

BAIBEL (BSI)

¹³⁹ Ighumino ozahkutsu phimo kehu ixukighideye ilolo ami toi iqu ani.

LESHELE 119:139 Referans Kwoze

John 2:17

Pa khopemi no ishi yepüa keu kümsülu: “O ki ghenguno alokümsü shikeu no I pitipüza nani.”

LESHELE 69:9

Kughengu O ki ghenguno müamzü keu no I pitipüza, O thogha kemiw thokügha no I shou ikughivae.

Apostolmi 13:27

Kughengu Jerusalem lo küami eno pano yepemi no pa ye khuu keno michi mlave, eno Sabbath atsütsü tungkuptsa phisü chekeu panongu no vethamla no Jisü kileve keu vecheo ti shikupuve.

KUKAMI ATUGHIU 19:10

Pa no khochile, “Ni ye Ampeu, aqokitikhi Lhou ghenguno aküxü tsücheni. Kughengu Israelmi no Ow puloshoqhi phevae, eno O kümlla khache kubove no Ow tungkupmi kümtsü pithive tsüae. Küxümi ye I likhivae, eno niu ghi pithive nike panongu no phucheni.”

MATTHEW 22:29

Ikemu Jisü no panongu khochile, “Nongu ye pimi ani, kughengu nongu ye Kuchoyesü na Alhou küka namu mthae.

MATTHEW 21:42

Jisü no panoqo vilo pi, “Nongu ye Kuchoyesü lo khilemu phimla aphi keshea? “‘Aki kishimi no atu kideqhive keu no atsükupu tuqu shive; hi ye Ampeu kümlae eno ti ye ni nhethi lo akichiqhipu.’”

MATTHEW 21:16

eno panongu no pa vilo pi, “Hipaqo no kiu piani keno no ye chilu anima?” Jisü no panoqo vilo pi, “Iyei; eno nongu ye ishi yepüa keu phimla aphi keshea? “‘Itimi ngo angakughunuqo kichi lono akiqheu shekiqhe tsü penike nono kuto tsüe.’”

MATTHEW 21:13

Tipaqo vilo pa no pi, “Ishi yepüani, ‘I ki ye akighini ki ipi ku nani,’ ikemu nongu no hipau pesü küpkami küghütshü-a shive tsüae.”

MATTHEW 9:13

Hi ye kiu kiqi keno wuno shika lulo: ‘Ni ye kimiyekini laju ani thono aghakishi kumoe.’ Kughengu I no ighikeu ye amikuchomi kumono axinemi kuni ke ghenguno ke.”

LESHELE 53:4

Khunono alhoksa mla cheni keno akighithi kühae, khuu no ashopa chu aketoi Iw timi tsakhave eno Alhou vilo inikhu move kea?

KUKAMI ATUGHIU 19:14

Pa no khochile, “Ni ye Ampeu aqokitikhi Lhou ghenguno aküxü tsücheni, kughengu Israelmi no Ow puloshoqhi phevae, eno O kümlla khache kubove no Ow tungkupmi kümtsü pithive tsüae. Küxümi ye I likhivae, eno niu ghi pithive nike panongu no phucheni.”

LESHELE 69:10

Kughou I no kümvü ghi qa eno kuchuni keno, tipau no I thaigha keu shive.