LESHELE 119:111 - Sumi Naga CL (Re-edited) Bible (BSI)

¹¹¹ O zakütsüqo ye lhokta kutolo I mheghi ke, kughengu tipaqo no I mlo lo alokivi süghi tsü cheni.

BAIBEL (BSI)

¹¹¹ Ozahkutsuye lhokta kutolo imheghike; tipaqoye imlolo alokivi sughitsu chekeu.

LESHELE 119:111 Referans Kwoze

JEREMIYA 15:16

O tsa phulu kelo I no chuve, eno O tsa no I lopivi tsüno I mlo züküvüpu shitsüe, kughengu O je lono I kulue, O Ampeu, aqokitikhi Lhou.

LESHELE 119:174

O Ampeu, ni ye Ow xakulu khekulho shi ani, eno O yezah ye I züküvü ke.

LESHELE 119:92

Tsala O yezah no I lokiqipu shi aghimo aye, ni ye I ghimekitikhi lono pühave aghini cheke.

LESHELE 16:5

Ampeu ye I mheghi eno I jukhu; Nono I saje tsüqüpe ani.

1 Peter 1:4

kungugha lo shipüsa kümlapu, shipixi kümlapu, eno hauvemo kepu mheghi akeu lo nongu saje ithulupe ke,

LESHELE 119:127

Tighenguno, ameshoyi nguno alau, ameshoyi kütsüghü nguno alau I no O zakütsüqo kimiye ke.

LESHELE 119:74

O sümsa chekeqo no ni ithulu no alovi nani, kughengu I no O tsa lo pükhübe ke.

LESHELE 19:8

Ampeu no shilo pikeu yezah ye achipi, amlo pelo alovi lupe cheni; Ampeu zakütsü ye mqhamqhi, anhethi shikütsüghü tsücheni;

ZAKINIU 33:4

Moses no Jacob laghami pelo amheghi shi peche peniye Ayezah ningu tsüke.

IBRIMI 9:15

Hi ghenguno pa ye puloshoqhi akitheu lacheu ke, tishianguno kuluve kemi pelo lhokta mheghi pikiqhi ithulu peniye ke, kughengu puloshoqhi atüghüu lo timi no axine shikeu lono xaphe niye akithi ighike.

LESHELE 119:14

Aküakini kümtsü nguno alau, ni ye O zakütsüqo laghi lo azüküvü shi cheni.

ISAIAH 54:17

Kiu ghünanu mu o ghüzamla nani; eno atsa kükügha lo o nguku kemi kümtsü shou nono ghechilelu nani. Hi ye Ampeu qemi mheghi ke, eno I launo ighi keu xaphekulupu küka ke, ipi Ampeu no piani.

1 Peter 1:8

Nongu ye Pa ithulu mphi kemu Pa kimiye cheni. Itehi mu nongu ye Pa ithulu amoe ikemu Pa lau pülübe cheni eno amlokiqi shi piphekümla lokivi gholo ajuküvü no shepichhipe

LESHELE 119:162

Milakhi no aghüshi lono halelu keu ithulu akeshi, ni ye O tsa lo alokivi shi cheni.

Apostolmi 26:18

panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’

Kolosiami 1:12

Apu khuu no nongu pesü aküvü lo küpülümi mheghi küsaje lupe keno Pa shikimthi tsü peniye ke.

LESHELE 19:9

Ampeu sümsa keu ye mithe mithei, alhokupuju ache nani; Ampeu yezah ye kuchou, eno thokha lo achipiue.