LESHELE 119:1 - Sumi Naga CL (Re-edited) Bible (BSI)

¹ Khuno laghi no tukutiye küha keno, khunono Ampeu yezah lo checheni keno pano lokivipue!

BAIBEL (BSI)

¹ Khuno kuxulo tukutiye kuha keno tipano lokivipu, AMPEU yezah kiqi lono xuchekemi lokivipuke.

LESHELE 119:1 Referans Kwoze

Luke 11:28

Ikemu pa no pi, “Khunono Alhou tsa chilu no pekupulu cheni keno panou no akümghaue!”

EZEKEL 11:20

tishikeu lono panongu no I kükütsü lo cheche nani eno Iw pimheye papelu no tipaqo gholu nani. Eno panongu ye Iw timi shive nani eno I no pano Lhou shive nani.

James 1:25

Ikemu khuu no kupukülai keu yezah, timi kuqhophe chekeu yezah shou jupuku no papeni keno, pa ye chilu no kümsümave kemi kumono mlaitha kemi kehu pa kümla lo kümgha keu shinani.

LESHELE 128:1

Khuu no Ampeu sümsa eno Pa laghi lo checheni keno pa ye alokivipue!

John 13:17

Nongu no hipaqo ithi no papelu aye nongu kümghapue.

Luke 1:6

Pama gha Alhou zülo amikuchomi, eno Ampeu zakütsü ngo ayezah kümtsü tukutiye kühano papeche.

LESHELE 112:1

Ampeu sheqhelo! Khunono Ampeu gihu cheni, eno Pa zakütsü lo alokiqi shi cheni keno alokivipue!

AHOLE 11:20

Chighichilai kemi ye Ampeu zülo aphikümqhüpue, ikemu tukutiye küha kemi küxü ye Pa züküvüpu ke.

Apostolmi 24:16

Ikehu ni ye alhokuthu Alhou eno timi zülo I lolo kiviküsa lotsü tsüghükhüi qhinike pükapütsa cheni.

LESHELE 101:2

I no tukutiye kühakeu laghi kümsü juni. O No ye kughono I lau ighini kea? Ni ye I kilo akikhi mlo xapusü cheche nani;

HOSIYA 14:9

Khukhumu alokütsüu no hipaqo vethalulo; Khuu no kimchilu cheni keno, pa no ithilo; kughengu Ampeu laghi ye achipi ke, eno müzüchoi xüche kemi no tipau laghi püla cheni, ikemu axinemi ye tipaqo lono küpxalu chenie.

Piyeküsü 22:14

Khunono aküxüpu sübo xathi küsajelu kepushi eno khagho vechesü aphughi lo ilolu kepushi pano phimini ishi kimtheveni keno akümghapue.

LESHELE 101:6

Ayeghi lo pükhükulumi shou I no kimiyeqhiyi ju nani, panongu ye I gholo xülu nani; khuu no tukutiye kühakeu laghi lo checheni keno I qelu nani.

2 Kor. 1:12

Kughengu ni qheküzapu ye hi ke, ni lolo kiviküsa lotsü no ashepe tsü anike ningu ye ayeghi lo akikhi eno Alhou lau amlo tsüqhiyi shi, ayeghi lo lokütsü lono kumono Alhouw küpükini lono xücheni, eno akhoto no nongu lau tishi acheni.

John 1:47

Nathanael no pa lau cheghi keu Jisü no ithulu püzü pa ghili ishi pi, “Julo, Israelmi kuchou, pa lolo pishikiqhi kühae.”

JOB 1:8

Tile AMPEU no Satan vilo pi, “No ye I qeu Job shou kümsü pukuju kema? Kughengu pa toi tukutiye kühano müzüchoi kemi, Alhou sükümsa shi xüno alhoksa lono tsüghüve chekemi ayeghi lo kühae.”

JOB 1:1

Khaghi Uz yeghi lo timi lakhi Job ipikeu ache, pa ye tukutiye kühano müzüchoi kemi, Alhou sükümsami eno alhoksa lono tsüghüve chekemi.

KUKAMI AKINIU 20:3

“O Ampeu, kimiyeno I no kishi O zülo pükhükulu shi amlo tsüqhiyi cheche, eno achipiu shiche keno kümsülu tsülo.” Tishi pive no Hezekiah no kukuno qauve.

AHOLE 13:6

Amikucho no tukutiye küha kemi laghi khekuto cheni, ikemu axine no kixikilami xakulu qhive cheni.

SAMUEL AKINIU 22:22

Kughengu I no Ampeu pape eno kixikila shi I Lhou launo putosüve moe.

AHOLE 29:18

Khile tungkupu nhetsü küha keno shiye lakhi ye ghaküsü kühave cheni, ikemu Ayezah pelu chekemi ye akümghapue.