LESHELE 115:16 - Sumi Naga CL (Re-edited) Bible (BSI)

¹⁶ Kungugha ye Ampeuw kungugha ke, ikemu ayeghi ye Pa no timi nuliqo tsüvae.

BAIBEL (BSI)

¹⁶ Kughughaye AMPEU wu likhike, ikemu ayeghiye pano timi tsuke.

LESHELE 115:16 Referans Kwoze

LESHELE 8:6

Nono pa pelo O u lo kümla shou yepeu shive peae; Nono thime kümtsü pesü pa pukhu philo qhive tsüae,

LESHELE 89:11

Kungugha ye Ow; ayeghi ghi Ow; ayeghi eno tile akeu kümtsü Nono lhoke.

ZAKINIU 32:8

Shishe Akiqheu no shiyeqo pütüta mheghi kutotsü kelo, Pa no timiqo kijetha kelo, Pa no Alhou nuliqo kikihi kiqi lono ashiayeqo lughi shotsü.

LESHELE 144:5

O Ampeu, atsütsü kiyeve no aqhou iqighi lo! Naghutoqo buju lo tishiaye tipaqo ye amchhi phoipeghi nani.

ISAIAH 66:1

Ampeu no ishi piani: “Kungugha no I kükalakhü, eno ayeghi no I pukhu kinepu ke; tishiaye nongu ye I ghenguno kiu toikeu ki shitsü luni kea? Eno kiutoi keu lo I pelo ngopeni kea?

John 14:2

I Pu kilo akungo-a kutomo ani. Tishimo aye Ni ye nongu vilo I no wuno nongu ghenguno a-a kuto tsünie piniche keshea?

AKUMLO 3:66

O Ampeu, O tsütsü qholo Nono axukighide lono panoqo hawuno kütsave nani.”

LESHELE 148:4

Kungugha akiqheu eno atsütsü shou azü akeqo, Pa sheqhelo!

ZAKINIU 10:14

Julo, kungugha eno kungugha akiqheu kutolo eno ayeghi eno tile akeu jeli ghi Ampeuw ke.

LESHELE 89:12

Nono ahuu eno apeu ghi lhoke; Tabor eno Hermon no alokivi shi O je shipili.

ISAIAH 45:18

Kughengu Ampeu no ishi piani, khuu no atsütsü lhophe keno (Pa ye Alhou ke!), khuu no ayeghi lhophe keno (Pa no iqhikumto, eno kümsa qhiniye lhophe moke, ikemu küghüna peniye lhophe ke!): “Ni ye Ampeu, eno kütami khumu kühae.