LESHELE 113:3 - Sumi Naga CL (Re-edited) Bible (BSI)

³ Khetsünhe ipeghi kelono ilo moke kutolo Ampeu je ye sheqhe kepue!

BAIBEL (BSI)

³ Kipelauno kulolau kutolo AMPEU je sheqhelo!

LESHELE 113:3 Referans Kwoze

MALAKI 1:11

Kughengu khetsünhe ipeghike lono ilo moke kutolo I je ye shiyeqo dolo kije shi nani, eno a-a kümtsü lo tsüngqüi keu kümllagho eno akimthe kümllagho I je lono mlla nani. Kughengu I je ye shiyeqo dolo kije shi nani, aqokitikhi Mpeu no pi.

LESHELE 18:3

I no Ampeu, khuu sheqhe küzü keno Pa ku, eno ni ye I ghümi launo xaluve.

ISAIAH 49:13

O atsütsü, alovi ale phelo, O ayeghi, ighalo; O naghutoqo, alokivi le phelo! Kughengu Ampeu no Paw timi lopiqive tsüae eno aghime lo akemi shou Pa kikimiye puku tsüke.

LESHELE 86:9

Nono shiye lhokemi kümtsü no O zülo ighi no itsaqi O mlla nani, O Ampeu, eno O je sheqhe nani.

ISAIAH 59:19

Tishikeu lono kulolaumi no Ampeu je sümsa nani; eno khetsünhe kipelaumi no Pa juküvü sümsa nani; kughengu Ampeu mülhü no fukucho kelo, aghoki no iqhaighu qoiqi aketoi Pa ye ighi nani.

LESHELE 48:10

O Alhou, O jekipi hutoi O shekiqhe no ayeghi shekha kutolo ani. O u ajeu achipiu mikucho no chhitoi ani.

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”

LESHELE 72:11

Kükami kümtsü pelo pa zülo qhoqhünhe pelo, eno shiye kümtsü pelo pa qe pelo!

HABAKUK 2:14

Kughengu azü no azüghi pichhi püake toi Ampeu juküvüpu kighithi no ayeghi shepichhi nani.

LESHELE 50:1

Akughushuu, Ampeu Alhou no khetsünhe kipelau no kulolau kutolo ayeghiqha kusü no pütsae.

ISAIAH 24:16

Ayeghi shekhau no Amikuchou lau agigihupu eno shekiqhe le phekeu nino chilu ani. Ikemu I no pi, “Ni ye kimghoi eno miqemleivae, I hasapuae! Thekuchumi no thechuvae, pano mqümgha no timi mlaqhivae.”