LESHELE 110:6 - Sumi Naga CL (Re-edited) Bible (BSI)

⁶ Pa no shiyeqo shou küghaküthabe nani, akithikumo no pano-a chhive nani, Pa no ayeghi kupuju lo atomiqo haleve nani.

BAIBEL (BSI)

⁶ Pano ashiayehqo shou kughakutha puwu nani eno aghukishi alo akithi kumono chhive nani, pano ayeghilo kukami kumtsu haleluve nani.

LESHELE 110:6 Referans Kwoze

LESHELE 68:21

Ikemu akipimi laghi lo kicheu, Alhou no Pa ghümi boghe lo ghapuku tsü nani.

Piyeküsü 19:11

Tithiu kungugha khaqhi keu I no ithulu, eno julo, khurshi kimiye lakhi cheghi! Tipau shou iqa cheghi keu je ye Pükhükulu eno Kuchou, eno pa ye achipiu-mikucho lono küghathabe eno aghüshi chekemi.

John 5:22

Apu ye khuu shoumu küghathabe chemoe, ikemu küghakütha kümtsü pesü Anu tsüvae,

MICAH 4:3

Pa no ashiaye kutomo dolo küghatha tsü nani, akumto shiye putou akeqo ghenguno xathatsü nani; panongu no pano zütakikihi hepha pesü akuphu mlave nani, eno pano ngupa pesü asübo kikixi züta shive nani; shiye lakhino lakhi shou azütakikihi peqhemo nani, momu aghü küpüghümo nani;

ISAIAH 2:4

Pa no shiyeqo dolo küghathatsü eno ashiaye dolo kimpikile keu xathatsü nani; panongu no azütakikihi hephape akuphu mlave nani, eno angu pesü asübo kikixi zütachi mlave nani; shiye no shiye shou aghü küpüghü monani, tike kumono aghüshi qokiphe mu kühave nani.

Piyeküsü 14:20

Eno mishighüna khalau no atsaithi qothu kelo tipau lono aji qoipeghi keu no auxakuchho kinia toike vesü ikughi, eno qowu keu no kilometer aqhe küthü kutolo wuve.

ISAIAH 42:4

Pa no ayeghi lo achipiu xakütha süsü moke kutolo, pa ye angu iqevemo momu aghüthi süvemo nani; eno azüghi mkülo akemi no pa yezah khekulhoshi nani.

HABAKUK 3:13

Nono Ow timi, nukishe luve keqo xaluni ke ghenguno wuke. Nono kixikila kibo lo atou chunuqhi, eno pa kütsü lono apukhu kutolo aphikümsa shivetsü.

EZEKEL 39:4

No eno ow aqokitikhi ngo timi khunoqo o gholo ani keno kümtsü Israel naghutoqo lono ikiqive nani. I no nongu pesü aghau jeli kümtsü lojive nani eno aluza lo tüghashiqo pelo tsüqhivepe nani.

ISAIAH 66:24

“Eno panongu no kuwolau ye khunono I mjochile keno tipaqo kithi kumo ithulu nani. Kughengu panoqo kumo lo apitheqo ye khilemu thimo nani, eno ami no panoqo piti akeu khilemu inhemo nani. Panoqo ye timi kümtsü lau aphikümqhüpu shi ache nani.”

ISAIAH 51:5

Iw achipiu-mikucho ye kupunu ighi nani, eno I launo xakulupu ipevae, Ni ampi no timiqo shou xathabe nani; azüghimkü lo akeqo no Ni ighini keu khe ani; eno panoqo xalu penike panongu ye lajuqhiyi I khe ani.

ISAIAH 42:1

Julo, I no süqhe chekeu I qeu, I no kisheluve keu khuu shou I ngulho no alovi cheni keno, I no I ghungu pa shou shepichhivae; eno pa no ashiaye kümtsü lau achipi xakütha süghi nani.

ISAIAH 11:3

Ampeu sükümsa no pa züküvü shinani. Pa ye ithukulu kiqi lono küghathamo momu chikulu lono xathamo nani,

SAMUEL ATUGHIU 2:10

Ampeu ghümi ye mukhumuno shive nani; Pa no atsütsü lono tsütsüsü panoqo mjo nani. Ampeu no ayeghi shekichi kutolo xaküthau shi nani; Pa no akumto pesü Pa kükau tsü nani eno Pa no nukishelu keu kibo süqhe nani.”

BOTHUBO 3:15

Atotiu ngo nokujo dolo eno o nuli ngo li nuli dolo I no kimthikile keu sütsüni; pa no o kütsü chisheda nani, eno nono pa phitsü mighi nani.”

LESHELE 68:22

Ampeu no pi, “I no Bashan lono panoqo sachile ighi nani, I no azüghi kutho lono panoqo sachile ighi nani,