LESHELE 11:1 - Sumi Naga CL (Re-edited) Bible (BSI)

¹ Ni ye Ampeu lau sükusho lucheni; no ye kishino I ngulho vilo, “Aghau toi ow naghuto lo yewuve lo,

BAIBEL (BSI)

¹ AMPEU no isusholue; kishipuzu noye ivilo, “Nowu naghutolo aghau toi yeuvelo;

LESHELE 11:1 Referans Kwoze

LESHELE 56:11

Pa shou I no pükhübe cheni; ni ye msave monani. Timi no I lau kiu shiluni kea?

LESHELE 25:2

O I Lhou, I no O pükhübe ani; I pelo akukujo lo ilovepe kevilo; I ghümi pelo I shou tolupe kevilo.

SAMUEL ATUGHIU 23:14

David ye Ziph sayeqha lo atoghi sükusho-a lo ngove, Saul no tsala kipetsü pa phuche, ikemu Alhou no pa pesü pa u lo süvetsü moe.

Luke 13:31

Tipa tüqhüdo lo Phariseemi khami ighi no Jisü vilo pi, “Hileno wuvelo, kughengu Herod no o pithive niye ani.”

AHOLE 6:5

ashe momu aghau no ashihami u lono polu keshi o xaphelu lo.

LESHELE 16:1

I süsho lo, O Alhou, kughengu ni ye O lau sükusho lucheni.

YEKIKITHI AKINIU 16:8

Ethiopiami ngo Libyami ye ghüshimi kihikha kümlapu shi akeu gholo khurkulu ngo khurshimi kutomo ake kumo keshea? Ikeghi nono Ampeu pükhü ke ghenguno Pa no tipaqo pesü o u lo sütsüke kumo keshea?

LESHELE 31:14

Ikemu ni ye O pükhü ani, O Ampeu; I no pi, “No ye I Lhou ke.”

LESHELE 9:10

Khunono O je ithi ani keno pano no O pükhübe cheni, kughengu, O Ampeu, No ye O phuche kemi pheve chemoe.

LESHELE 7:1

O Ampeu I Lhou, I no No ije cheni; I hache kemi kümtsü launo I xalu eno xaphe tsülo,

YEKIKITHI AKINIU 14:11

Asa no Ampeu pa Lhou lau ighamku inikhu, “O Ampeu, akumtomi ngo miqemlei kemi dolo kuphu tsüni keu O toike khumu kühae. Ni kuphu tsülo, kughengu ningu ye O shou pükhü ani, eno O je lono ningu ye aqokitikhi sasü kumjoni ke ighi ani. O Ampeu, No ye ni Lhou ke, khuu pelomu ni theqhivepe kevilo.”

SAMUEL ATUGHIU 20:38

Jonathan no pa kuno pi, “Mtazü lo! Papashi lo! Ngoa kevilo!” Ikehu apumi no apijiqo hekütsü luve no pa mpeu lau ighi.

SAMUEL ATUGHIU 27:1

David no pa mlo lono kümsü, “Ni ye ghulo lakhi lo Saul u lono thive nani. I ghengu ye Philistiami yeghi lo pove keu nguno akiviu kühae. Tileno Saul ye Israel ghuthu lo I phuju pühave no aghüthi süve nani, eno ni ye pa u lono pokaluve nani.”

SAMUEL ATUGHIU 22:3

David no tileno Moab lo Mizpeh lo wuve. Pa no Moab kükau vilo pi, “Kimiyeno Alhou no kiu I lau shiniye ani keno I no ithi moke kutolo, I pu ngo I za pelo o gholo ngolu pelo.”

SAMUEL ATUGHIU 19:11

Saul no David kilo aghinimi puwu no miqeju pe, eno thanau no pa pithive niye shi. Ikemu David nipu Michal no pa vilo pi, “Nono itiji no itshüvemo aye, thanau ye pithive niae.”

NEHEMIA 6:11

Ikemu I no pi, “I toi kemi ghi pokave masa keshea? Eno I toi kemi no aküxü xaluni ke achineki alou ilo masa keshea? Ni ye ilomoe.”

LESHELE 7:2

tikumo aye abongshuu toi panongu no I sütha pinyi aleqhi shive no khumu I xalumo nani.

JEREMIYA 48:14

“Nongu ye kishino ‘Ningu ye aghütomi eno aghükivimi’ ipi cheni kea?