LESHELE 107:12 - Sumi Naga CL (Re-edited) Bible (BSI)

¹² Panongu ye aka-agha shi mlakeu lono pano mlo ijuve; panongu ye ikiqive kemu khuu nomu kuphu tsümoe.

BAIBEL (BSI)

¹² Panonguye akumla kushokutsu shikeu lono akulho shive; panonguno iluqive kelo khunomu xaqhemoe.

LESHELE 107:12 Referans Kwoze

LESHELE 22:11

I lau no putosüve kevilo, kughengu aveküsa ye aphivilo ani, eno kuphuni kemi khumu kühae.

IPEKULU 2:23

Tipa ghuloki lo Egypt kükau ye thive, eno Israelmi ye pano qüaxe ghenguno amloghuju shi kuphu tsü peniye ighamku che. Aqüaxe lono xaphetsü penike ighamku chekeu iku Alhou tove.

ISAIAH 51:23

Nongu nedaqoda chekemi eno Nongu vilo, ‘Ihozü lo, ningu no chesü wuni’ ipi chekeqo; eno nongu mqa no ayeghi ghüza momu alaghi toi shino panongu no chewu chekeqo lau I no izüvuive chekeu jukhu eno I loghu chithakhu tsüve nani.”

ISAIAH 63:5

I no pishipuwo juke ikemu milakhi mu I kuphuni kemi kühave; Ni ye akichiqhive ikemu khunomu ti ithi tsümoe; ikehu ni ampi no Iw xakulupu süghi, eno I loghu no I süqheke.

ISAIAH 52:5

Tighenguno itehi Ni ye hilau kiu ani kea?” ipi Ampeu no sheshu ani. “Hi Iw timiqo ame tsümono sawuve kelaye panongu shou yepemi ye mloqa ani.” Eno “Tino ishokibe I je thaigha ani.

JOB 9:13

“Alhou ye Pa mlokighide süchilemo nani; Rahab saphu chekemi no Pa qholo itsaqie.

NEHEMIA 9:37

Eno ni xine ghenguno ayeghi lono kupukuno shi ipeghi keqo ye Nono ni shou qhi püatsü kemi kükami lau wuve anie. Panongu no ni phimpi eno niw lhoxü shou pano pulou lono ka auvae eno ningu ye shishe aghime kutho lo anie.

KUKAMI AKINIU 6:33

Pa no pi aphi lono, atsapeu no pa lau iqighi no pi, “Aküküpna hipau ye Ampeu launoe! Ni ye kushiye Pa kheani kea?”

XAKUTHAMI 16:30

Pa no pi, “I pelo Philistiami gholono thive pelo.” Tishino pa no pa küka kumto kümtsü pepheno sükini thu, ikelo aki no ilaqi Philistiami yepemi ngo tile kuho akemi kümtsü shou ikuve. Samson no pa xülono pithi keu nguno alau pa kithi tsala lou no timi kutomo pithive tsüe.

LESHELE 142:4

Ajeu jupuwo julo: khunomu ni ithulu amoe; I no ijekulupu kiumu kühae; khunomu I ngulho hiju amoe.

XAKUTHAMI 16:21

Philistiami no pa küghaluve no anhethi lejove tsü eno sasü Gaza lo iqighive. Alazayi yikichhe no pa tshüve no akughuki lo potsüghü kümla shi auvepe.

KUKAMI AKINIU 14:26

Kughengu Israelmi aqüaxemi na, ililai xükemi kümtsü no shishe ime akeu Ampeu no ithuluve; eno Israel kuphuni keu khumu kühave.