LESHELE 106:5 - Sumi Naga CL (Re-edited) Bible (BSI)

⁵ tishianguno Ow kishekiphemi no nibonilei lukeu I no ithulu nani, Ow shiye no alovi keu lo ni ghi aloqilu nani, O mheghi gholo I no akijivilelu nani.

BAIBEL (BSI)

⁵ Ipelo owu timino kinikulu shilukeu ithulupelo eno ashiayeh lokivi gholo kusajelu pelo; Owu shiluvekemino akijivile keu gholo sulupelo.

LESHELE 106:5 Referans Kwoze

LESHELE 105:43

Ikehu Pa no alokivi shi Paw timi saipeghive, Pa no kishelu kemi sasü alephe ghi ipeve.

Ephesiami 1:18

nongu mlo lo vethakulupu nhetsü qhino Pa no nongu kulu püakeu lajupu ye kiu, Pa juküvüpu mheghi kinikülüshi küpülümi lau akeu ye kiu keno, nongu no ithi peni;

John 15:16

Nongu no I kisheluke kumoe, ikemu I no nongu kishelu eno nongu pelo wuno ighive moni keu xathi kutomo pithi peniye süsüe, tishianguno nongu no I je lono Apu vilo kiu kiumu khu aye Pa no nongu tsünani.

ZEKHARIA 9:9

Shishe alovilo, O Zion limi! Ighamku lo, O Jerusalem limi! Julo, o kükau ye o lau chenie; Pa ye achipiu eno xakuluu, aqhokigheu shi khurha sacheni, khurhati shou ikuno chenie.

ZEFANIA 3:14

Igha ale phelo, O Zion limi; ighalo, O Israel! Alovilo eno o mlo kuchopu süno ilhe alovilo, O Jerusalem limi!

ISAIAH 66:10

“Jerusalem gholo alovilo eno li gholo alopiqi lulo; nongu li kimiye chekemi; li sasü alovi küqhalo, nongu li ghenguno mloqa chekemi;

ISAIAH 12:6

Alovi igha ale phelo, O Zion lo küami, kughengu Israelmiw Akimthe Lhou nongu gholo akeu ye kijeke.”

LESHELE 105:6

O Abraham tikughukomi, pa qemiqo, Jacob nuli, Pa no kisheluve keqo!

LESHELE 1:3

Pa ye aghoki mkülo asübo akeu toi atusho achipi lono axathi pithi cheni, tipau nipa ye ighüive chemoe. Pa no mlakeu kümtsü lo ghenighilai cheni.

Piyeküsü 17:14

Panongu no Ambeti sasü aghüshi nani kemu Ambeti no pano theqhive nani, kughengu Pa ye ampemi shou Ampeu eno kükami shou Akükau, eno Pa gholo kichemi ye kuluve kemi, kishekiphemi eno pükhükulumi ke.”

2 Thes. 2:13

Ikemu Ampeu no kimiye kichemi athiküzümiqo, ningu ye nongu ghenguno alhokuthu Alhou shikimthi masae, kughengu Aghungu no shikimthe tsü eno kuchou shou pülülu keu vecheo Alhou no nongu xalu niye amsüu xathi shi kishelue.

FILIPIAMI 3:3

Kughengu ningu khunoqo Aghungu lono mlla eno ashi shou pükhübemo no Khristo Jisü lau akijivile cheni keno ninguu no aphighüyiko ghakemi ke,

Ephesiami 1:4

kughengu ayeghiqha boqha ghomphi lono Pa no Khristo gholono ningu kishelu keu ye ningu pelo Pa zülo tukutiye kühano akimthe shipeniye ke. Kikimiye lono

John 16:22

Tihutoi nongu ghi itehi ye amloksa shiani, ikemu ni ye itaghi nongu kusholuni aphi, nongu no alokivi shinani, eno khunomu nongu lokivi süwuve tsümla nani.

JOYIL 2:23

“Alovilo, O Zion nuliqo, eno Ampeu no Lhou lau alovilo, kughengu Pa no nongu saphu ghi tsütsüghu aitheu tsüvae; Püzüu toi aitheu eno amunuu tsütsüghu Pa no pofushi leqhitsü.

ISAIAH 45:25

Ampeu launo Jacob kughukomi kümtsü shou, achipi kepi xathabe nani eno ajuküvü ithulu nani.”

ISAIAH 35:10

Ampeu no xachile luve kemi no ale phesü Zion lo ideighi nani; pülhapuju lokivi no panongu kütsü qhopu no amlokiqi shi alovi nani; eno küqa kumlo ye hauve nani.

LESHELE 118:15

Amikuchomi phiki loye xakulu lokivi lekungo acheni: “Ampeu u ajeu no akughushu shi mlavae.

LESHELE 48:11

Ow xakütha ghenguno Zion Naghuto no alovi pelo! Judah limi pelo alokivi shipelo!

LESHELE 14:7

O, Israelmi ghenguno Zion lono xakulu ipeghi keaye lae! Kughou Ampeu no Paw timi ngukümgha tsüchileni keno, Jacob no alovi pelo, Israel no alokiqi shipelo.

ZAKINIU 7:6

“Kughengu nongu ye Ampeu nongu Lhou lau akimthemi ke. Ampeu nongu Lhou no ayeghi lo ashiaye kümtsü gholono Paw akughupu mheghi shou ampi shipenike nongu kishelue.

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

James 2:5

I qhuu athiküzümiqo, inilo, Alhou no ayeghi lo kumlhomi kishelu no aküpülü lo kinimi shilupe eno Pa kimiyekemi tsüni keu shi piqhi püakeu kükaqha mheghi kiyighimi shilupe kekumo keshea?

Apostolmi 9:15

Ikemu Ampeu no pi, “Wulo, kughengu pa no I je pesü Jewkumomi ngo kükami eno Israelmi zülo wu penike I no kishevae.

ZAKINIU 32:9

Ikemu Ampeu saje ye Paw timiqo ke, Jacob no Pa mheghi saje shilue.

SAMUEL AKINIU 20:19

Israel lo iqüghai eno pükhükulu gholo nighi lakhi ke. Israel lo aza lakhi shi ache keu mishighüna nono kütsaveni ye phucheni. Kushiye no ye Ampeu mheghi shipühave tsüniye ani kea?”