LESHELE 105:15 - Sumi Naga CL (Re-edited) Bible (BSI)

¹⁵ pi, “I no nukisheve kemi bukevilo, Iw tungkupmi ghüza kevilo!”

BAIBEL (BSI)

¹⁵ “Ino kisheluvekeu iqemi shipusalu nosake; iwu tungkupumi bukevilo.”

LESHELE 105:15 Referans Kwoze

ZEKHARIA 2:8

Kughengu aqokitikhi Mpeu no pi, Pa juküvü no nongu xüle pewuve keu shiyeqo lau I puwu kethiu, khuu no nongu buni keno pa nhethi no juküsü shi püakeu buvae:

BOTHUBO 26:11

Ikehu Abimelek no timi kümtsü ghutu ghi pi, “Khukhumu timi hipau momu pa nipu bukeu ye mtsüqheino pithive nani.”

BOTHUBO 20:7

Ikehu itehi, timi nipu hu tsüchileve lo, kughengu pa ye tungkupu ke pa no o ghenguno inikhu tsü nani, eno no ye xülu nanie. Ikemu tsala nono li tsüchile moaye, no eno o gholo akeqo kümtsü mtsüqheino thive nanie pi ithilo.”

1 John 2:27

Ikemu Khristo launo Aghungu Kimthew nukikishe ithulu keu huno nongu lolo ani kehu nongu ye khuana pelo shikape kepu vehu kiumu kühae. Ikehu azüu no nongu shikave ketoi Pa Ghungu Kimthe no thokha pesü nongu shika kelo ti ye kuchou kethono kichileu kumo ke—Pa lau kimepe achelo.

KUKAMI ATUGHIU 19:16

Eno Nimshi nu Jehu pelo Israelmi kükau shipenike nukishe lo, Abel-meholahmi Shaphat nu Elisha pelo o züqhulo tungkupu shipenike nukishe lo.

SAMUEL AKINIU 1:14

David no pa vilo pi, “Kushiye no ye Ampeu no nukisheve keu shou o u beni keu msa move kea?”

KUKAMI ATUGHIU 13:4

Kughou akükau no Alhou timi no akiptia shou pipuku keu chilu keno, pa no akiptia lono pa u chhopuwo no pi, “Pa küghaluve lo.” Ikelo Alhou timi lau chhopuwo keu u huye qhaive no pishe mlave.

ESTHER 6:13

Eno Haman no pa nipu Zeresh ngo pa küsami vilo pa lau kiu shive keno kümtsü pive. Tile pa küsami alokütsümi ngo pa nipu Zeresh no pa vilo pi, “Tsala Mordecai, khuu zülo nono ikiqive akeno, pa no Jewmi shi aghi aye, no ye pa theqhi lumo nani ikemu mtsüqheino pa zülo ikiqive nani.”

JEREMIYA 36:26

Akükau no kükapuu Jerahmeel, Azriel nu Seraiah, eno Abdeel nu Shelemiah pelo akiyeu Baruch eno tungkupu Jeremiah küghaluve penike azah tsü, ikemu Ampeu no pama küsüve.

JEREMIYA 39:12

“Pa salu no akivishi jukuto lo, pa ghime kevi, ikemu pa no o vilo pike toi pa peitha lo.”

ZEKHARIA 2:12

Ampeu no akimthe yeghi lo Pa saje shi Judah ighi luve nani, eno itaghi Jerusalem kisheluve nani.”