LESHELE 104:31 - Sumi Naga CL (Re-edited) Bible (BSI)

³¹ Ampeu juküvü no alholo ache pelo! Ampeu pelo Pa kümla lo alovi pelo.

BAIBEL (BSI)

³¹ AMPEU jekipi alhokupuju achelo! AMPEU pelo pano lhokeu shou alovi pelo!

LESHELE 104:31 Referans Kwoze

BOTHUBO 1:31

Ikehu Alhou no Pa no mlave keu kümtsü ithulu, eno julo, ti ye ighono alokütüe. Tino atsala akütsüghou avela eno inaqhe shive.

2 Tim. 4:18

Ampeu no alhoksa jeli kümtsü lono I xaphelu nani eno Paw kungugha yekipe lo I sasü ilo nani. Alho lono alholo ajuküvü Pa tsülo! Amen.

Ephesiami 3:21

tiqheli kümtsü lo ashekha-aghile küha akukuhou vecheo eno Khristo Jisü gholono Pa lau ajekipi apelo! Amen.

Rommi 11:36

Kughengu thokha kümtsü Pa launo eno Pa vecheo ighi, eno Pa lau anie. Pülhapuju Pa lau akimthe jekipi apelo, Amen.

ZEFANIA 3:17

Ampeu o Lhou no o gholo ani, akughushuu, xaluni küau no alokivi shi o jupe amloqi; eno nono Paw kikimiye lo iqünhei lunani; Pa no igha alephe o jupe alovi nani.

JEREMIYA 32:41

I no pano ghenguno akivi shitsü keu lo alovi nani, I mlo eno I ngulho kuchopu süno panongu pesü ayeghi hipau lo pükhükulu shi shosü nani.

ISAIAH 62:5

Apulhothe lakhi no ililhothe sasü külau ketoi, o punoqo no o sasü küla nani, eno külapuu no paw külaliu jupe alokivi shi ketoi, o Lhou no o shou alokivi shi nani.

IPEKULU 31:17

Hi ye Ni eno Israelmi dolo alholo amchipu ake, kughengu atsala tsügho lono Ampeu no atsütsü ngo ayeghi lhoke, eno atsala akütsüniu lo Pa no akulhoqhi eno aghüthi püxü kithelu ke.’”

1 Peter 5:11

Alholo eno pülhapuju aküka ye Paw ke, Amen.

IBRIMI 13:21

akivi thime kümtsü pesü nongu tsüno Pa pulou shilu peni, eno Pa no Jisü Khristo vecheo ni lolo Pa pulou shipeni; alho lono alholo Pa lau ajekipi apelo. Amen.

Galatiami 1:5

pa lau alho lono alholo ajekipi apelo. Amen.

LESHELE 102:16

Kughengu Ampeu no Zion shiqheke; Pa no Pa juküvü lono ipeghie;

2 Peter 3:18

Ikemu ni Mpeu eno Xakuluu Jisü Khristow küpükini eno Pa kighithi lono thuwu alo. Itehi eno lhokta tsala kutolo Pa lau ajekipi shilo. Amen.