LESHELE 104:1 - Sumi Naga CL (Re-edited) Bible (BSI)

¹ Ampeu sheqhelo, O I ngulho! O Ampeu I Lhou, No ye ighono kije! No ye ajekipi eno ajuküvü pepu ani,

BAIBEL (BSI)

¹ AMPEU shelo, ingulho! O AMPEU iLhou, noye kiutoi kije kya? Noye ajekipi eno akimthe jukuvu pepu anike;

LESHELE 104:1 Referans Kwoze

LESHELE 103:22

Pa yekipe qholo a-a kümtsü lo, Pa no pulhosü keqo kümtsü no Ampeu sheqhelo. Ampeu sheqhelo, O I ngulho!

LESHELE 145:3

Ampeu ye kije, eno akiqheu lono Pa sheqhe kepue; Pa kughushu ye phukümlapue.

LESHELE 96:6

Ajuküvü eno akükanguagha ye Pa zülo ani aküka eno jukivi no Pa chineki chhitoi ani.

ISAIAH 59:17

Pa ye achipiu-mikucho no pa mlaküxa shike, eno tino paw xakulupu yikütsükuqho shike; eno pa no amkhükulu no pa phimini shike, eno minemighei keu no aphi toi pa küzüpu ke.

LESHELE 93:1

Ampeu no ayepe ani; Pa ye kükanguagha phi pepu ani; Ampeu ye chijeboike phi pepu ani; Pa ye akumto pesü Pa pokha shiluvae. Iyei, ayeghiqha ye iqhikumto püani; ti ye khilemu ithamoe.

DANIEL 9:4

I no Ampeu I Lhou lau inikhu eno axine piphe no pi, “O Ampeu, akughushu eno agigihupu Lhou, khunono Pa kimiye eno Pa yezah pape cheni keno tipaqo lau Paw puloshoqhi ngo iqemokeu kikimiye chekeu,

LESHELE 104:35

Ayeghi lono axinemi piti pühave pelo, eno kixikilami kühave pelo! Ampeu sheqhelo, O I ngulho! Ampeu sheqhelo!

JEREMIYA 23:24

Timi lakhi ye I no pa ithumla kepushi tuqhou-a lo itshülu nanio? ipi Ampeu no sheshu. I no atsütsü eno ayeghi shepichhi ke kumo keshea? ipi Ampeu no asheshu.

LESHELE 7:1

O Ampeu I Lhou, I no No ije cheni; I hache kemi kümtsü launo I xalu eno xaphe tsülo,

HABAKUK 1:12

O Ampeu I Lhou, Iw Akimtheu, No ye pülhapuju acheni kekumo kea? Ningu ye thimo nani. O Ampeu, Nono küghatha nike panoqo süsüe, O Atuqu, Nono sakiyini ye panoqo puthuphe ke.

DANIEL 7:9

“I no ju akeloye, kükalakhüqo kutope qhi, eno alholo lo achekeu no Pa lakhü ikhiluve; Pa phimini ye mürasü toi metsüghoi, eno Pa kütsü lo asa ye amhiyeho akiviu toi; Pa kükalakhü ye ami mili iqü aketoi; tipau kuluho no amiküqü ke.

LESHELE 95:3

Kughengu Ampeu ye akughushu Lhou, eno alhou kümtsü shou akughushu Kükau ke.