LESHELE 103:19 - Sumi Naga CL (Re-edited) Bible (BSI)

¹⁹ Ampeu no kungugha lo Pa kükalakhü kutovae, Pa kükaqha no kümtsü shou ayepe cheni.

BAIBEL (BSI)

¹⁹ AMPEU no kungughalo pa kuka lakhu qhike; Paye kumtsu shou akukau.

LESHELE 103:19 Referans Kwoze

LESHELE 47:2

Kughengu Ampeu, Shishe Akiqheu, ayeghi kümtsü shou akükau kije huye sümsa kepue.

LESHELE 9:7

Ikemu Ampeu ye alhokupuju kükalakhü lo iqa ani; Pa no kuchou xakütha ghenguno Pa kükalakhü shiqhe,

1 Peter 3:22

Pa ye kungugha lo wuvae eno kungumi, yepemi, eno aküka jeli kümtsü Pa qholo shino Alhou u ajeu ani.

LESHELE 11:4

Ampeu ye Pa kimthe chineki lo ani; Ampeu kükalakhü ye kungugha lo ani; Pa nhethi no timi nuliqo jukuto cheni.

IBRIMI 8:1

Ningu no pi akeu tsa akhotou ye hike: ningu ye kungugha lo Kükanguagha lakhü ajeu iqa akeu chinetou hitoike ani,

LESHELE 115:3

Ni Lhou ye kungugha lo ani; eno Pa no pulo keu kümtsü shicheni.

DANIEL 4:25

ike no ye timiqo gholono hapupove nani, eno o kungo-a ye aghasa lo tüghashiqo gholo shive nani. No ye amshitsü lakhi toi atsüni chuuve nani, atsütsü lo tsüzü no o pütsü nani, eno Shishe Akiqheu no timi kükaqha lo ayepe cheni eno tipau pesü khukhumu Pa no pulo keu tsüve chenie pi nono ithi moke kutolo kihiküthado tsüni no o hecheve nani.

ISAIAH 66:1

Ampeu no ishi piani: “Kungugha no I kükalakhü, eno ayeghi no I pukhu kinepu ke; tishiaye nongu ye I ghenguno kiu toikeu ki shitsü luni kea? Eno kiutoi keu lo I pelo ngopeni kea?

LESHELE 2:4

Atsütsü lo iqa akeu huno junu ani; Ampeu no panoqo jukünatha ani.

DANIEL 4:17

Aghime xakütha tsa ye hikujuu yezah lono ke, xakütha ye akimtheu tsa kiqi lono ke, hi kutolo xü akemi no ithi peniye ke, ti ye Shishe Akiqheu huno timi kükaqha shou ayepe acheni, tipau pesü khukhumu Pa no tsüni keu tsü cheni, eno tipau lo timi aqhoumi dolo aqhou süsüve cheni.’

YEKIKITHI ATUGHIU 29:11

Aküka kumto kuloghi, ajuküvü, tokulu, akükanguagha ye Ow ke, O Ampeu, kughengu atsütsü eno ayeghi lo akeu thime kümtsü Ow ke. Ayekipe ghi Ow, eno O pesü kümtsü shou yepeu shiküzüe.

YEKIKITHI ATUGHIU 29:12

Küakini eno agigihu kinikujo O launo ighi cheni, eno Nono kümtsü shou ayepe ani. Aküka eno akumto ye O u lo ani, eno O küka lono khukhumu kije eno akumto shivetsü cheni.

DANIEL 7:14

Ayekipeqha, ajuküvü, eno kükaqha pesü Pa tsüve, tishino ashiaye, shiye eno atsa jeli kümtsü no Pa huthu nani; Pa yekipeqha ye alholo achekeu, ti ye kühave monani, eno Pa kükaqha ye kütsave monani.