LESHELE 102:3 - Sumi Naga CL (Re-edited) Bible (BSI)

³ I küxü ye amchhi toi hauve ani, eno I ghi-anhü ye ayikiyiqibo miküiqü toi pitipüza ani.

BAIBEL (BSI)

³ Ikuxuye amichhi toi hauve ani, eno ighi anhuye amiphokilo toi pitipuzaqhi ani.

LESHELE 102:3 Referans Kwoze

James 4:14

Kughengu thoghiu ye kiu shive nani keno nongu ye mtha aphie. Nongu küxü ye kiu kea? Kughengu nongu ye akimhi no ado kitila ipeghi no pai hauve ketoi ke.

AKUMLO 1:13

“Pa no kunguu no ami puwu; tipau piqi no I ghi lo ilovepe; Pa no I pukhu lo alichhe qhitsü; Pa no I tutsüghüve; atsala kupuju aghimeshi I pelo thüghüi ngovepe.

LESHELE 37:20

Ikemu kixikilami ye pühave nani; Ampeu ghümi ye atsüni kümtsha toike; panongu ye hauve, amchhi toi hauve cheni.

JOB 30:30

I yiko no tsübui no ikiqi khavae, eno akülü no I ghi pitiqhi anie.

LESHELE 31:10

Kughengu I küxü ye amlo ghime lono puwovae, eno I mpe ye amlo ghime tuthukishe lono puwovae; I xine ghenguno I küka ye tomlavae, eno I ghi ye aküka kühavae.

AKUMLO 3:4

Pa no I shi eno I yiko kilheve tsü; eno I saghi kubove tsüe;

LESHELE 119:83

Kughengu ni ye aji hughi amchhi lo akeu toivae, ikeghi ni ye O zakütsüqo kümsümave moe.

LESHELE 38:3

O mlo kighide ghenguno I shiaji lo aloino keu kühavae; I xine ghenguno, I ghi lo akumto kühavae.

LESHELE 27:9

I launo O gi küsüve kevilo. O No khuu I kuphu ighive akeno aloghu lono O qeu hachile puwove tsü kevilo. O I xakulu Lhou, I haphe kevilo; I pheve tsü kevilo.

LESHELE 31:3

Kughengu No ye I tuqu eno I sükusho liwoke; O je lono I sache lo eno I laghi kichepiye tsülo;