LESHELE 102:13 - Sumi Naga CL (Re-edited) Bible (BSI)

¹³ Nono ithughi no Zion kimiye nani; hi ye li shou kimiye kepu tüqhüdo ke; kihitha püakeu tüqhüdo ye hike.

BAIBEL (BSI)

¹³ Nono ithu puzu Zion kimiyekutulo, li shou kimiye kepu tuqhudo ighivae; hiye ado achipishi anike.

LESHELE 102:13 Referans Kwoze

Galatiami 4:4

Ikemu kughou ado kupukülai ighive keno Alhou no Pa Nu puwu, totimi pelo punupe, ayezah qholono punu,

ISAIAH 60:1

Ithu no yepüvü lo, kughengu o küvü ye ighivae, eno Ampeu juküvü ye o shou yepüvü ani.

ISAIAH 40:2

Mükhano Jerusalem pütsalo, li ghime ye kishekhave no li kipimi peve tsüae, Ampeu no li xine jume küghüsü kini shino tsüve keu huno lukümkha shivae pi li vilo sheshulo.

LESHELE 44:26

Ithulo; ni kuphu kepushi ighilo! Ow iqemokeu kikimiye lono ni qhüchile lulo!

2 Peter 3:8

Ikemu kimiye chekeqo, kuchou vehu lakhi hi juzüve kevilo, Ampeu zülo atsala lakhi ye ampe qhethonhe paphi, eno ampe qhethonhe ye atsala lakhi paphie.

Apostolmi 1:7

Pa no pi, “Apu no Pa küka lono kughuve keu do aghuloki ye nongu no ithi masa keu kumoe.

2 Peter 3:12

Alhou Tsala khe akelo eno mtazü ighive penishi akelo, nongu ye Pa zülo mqhamqhiyi eno tukutiye kühano xümasae, kughengu tipa tsala lo atsütsü ye pitive nani eno tile akeqo ye ami no piti kümlave nani!

LESHELE 7:6

O mlo kighide lono ithulo, O Ampeu; I ghümi loghu shou puthugho lo; I ghenguno ithulo; kuchou xakütha shitsü lo.

DANIEL 12:9

Pa no pi, “O la lo wuvelo, Daniel, kughengu ashekha do ighi moke kutolo atsa huye khathave eno mekhape qhivae.

JEREMIYA 31:23

Aqokitikhi MPEU, Israel Lhou no ishi piani: “I no panongu kinigha athoputho tsükelo, panongu no itaghi ghuthu lakhi atsa hipaqo Judah yeghi eno mishighünaqo lo peitha nani: “‘O achipiu mikucho ghüna, O akimthe toghi, Ampeu no o kümghatsü peniu!’

ISAIAH 14:32

Shiye ghinimi vilo kiu khochileni kea? “Ampeu no Zion puthuphe, eno Paw timi aveküsami no ti ijelu cheni.”

LESHELE 75:2

“I no ado kutope qhipüa keu do ghuloki lono I no müzüchoi küghatha nani.”

LESHELE 51:18

O lokiqipu shi Zion lo akivi mla tsülo; Jerusalem liwo shiqhe tsülo;

IPEKULU 3:15

Alhou no Moses vilo highi pi, “Israelmi vilo hi pilo, ‘Ampeu, nongu puasü Lhou, Abraham Lhou, Isaac Lhou, eno Jacob Lhou no nongu lau I puwu anie.’ Alholo hi no I je ke, ikehu tiqheli kupuju lo hitoi I kümsülu chelo.

LESHELE 90:2

Naghutoqo lho mphi lono, ayeghi eno ayeghiqha pulhosü mphi lono, pülhapuju lono pülhapuju lo No ye Alhou ke.

LESHELE 92:9

Kughengu O ghümi julo, O Ampeu, kughengu julo, O ghümiqo ye pühave nani; kixikila shiche kemi ye kümtsü kutholeve nani.

LESHELE 135:13

O Ampeu, O je ye alhokupuju acheni, O Ampeu, O juaje ye tiqheli kümtsü lo ache nani.