LESHELE 101:4 - Sumi Naga CL (Re-edited) Bible (BSI)

⁴ Chighichilai keu mlo ye I launo putosüve nani; ni ye kixikila kiumu ithimo nani.

BAIBEL (BSI)

⁴ Niye amikuchokumo shimo nani, eno alhoksa sasu kutshukimekeu shimo nani.

LESHELE 101:4 Referans Kwoze

AHOLE 11:20

Chighichilai kemi ye Ampeu zülo aphikümqhüpue, ikemu tukutiye küha kemi küxü ye Pa züküvüpu ke.

2 Tim. 2:19

Ikemu Alhouw akumto boqha ye puthugho ani. Eno ti ye amchipu ishi ani: “Khunono Ampeuw keno, Pa no ithi ani,” eno “khunono Ampeu je pini keno, panongu kümtsü alhoksa lono putosüve lo.”

MATTHEW 7:23

Tileno I no panongu lau shuphe nani, ‘Ni ye khilemu nongu mthae; nongu ayezah heküxamiqo, I launo chevelo.’

AHOLE 22:24

Timi khunono amloide kalo momu axuide cheni keno tipaqo sasü shompami shikevilo,

AHOLE 9:6

Itikütüpa keu la qhive no xülulo, kuthoküzü kighithi la pülalo.”

AHOLE 8:13

Ampeu sükümsa kiqi ye alhoksa mithini keu ke. Ni ye aqheküza, akülaki, eno alhoksa laghi ngo sabideve keu tsapi mithi cheni.

LESHELE 119:115

I launo chevelo, nongu alhoksa kümlami, tishiaye ni ye I Lhou zakütsü papelu nani.

AHOLE 3:32

kughengu Ampeu ye kühaküghami ju aphimqhü cheni, ikemu akümzümi pesü Pa mlokuchumi shicheni.

LESHELE 6:8

Nongu alhoksa kümlami kümtsü I launo chevelo, kughengu Ampeu no I küqa sütsa chiluvae.

2 Kor. 11:33

ikemu I pesü ashoghi lo süno aphughi liwo kighipe lono kighiti piqive eno ni ye pa u lono polue.

LESHELE 26:4

Ni ye kichile timiqo sasü iqa chemoe, momu keghilishi kemi sasü kümtsa chemoe.

LESHELE 26:5

Kixikila shiche kemi hoho ye I no mithi, ni ye küsaküghami sasü iqa monani.

AHOLE 29:27

Kixikilami ye amikuchomi zülo aphikümqhüpue eno müzüchoi kemi ye kixikilami no ju aphimqhü cheni.