LESHELE 100:3 - Sumi Naga CL (Re-edited) Bible (BSI)

³ Ampeu ye Alhou kepi ithilo! Pa no ningu Lhoke eno ningu ye Paw ke; ningu ye Paw timi eno Pa tsüni kümtsha-a lo ambeqo ke.

BAIBEL (BSI)

³ AMPEU ye Alhou kepi khilemu kumsuma kevilo. Pano ni Lhoke eno ninguye pawu ke; ninguye pawu timi eno pawu bheri lojiqoke.

LESHELE 100:3 Referans Kwoze

LESHELE 46:10

“Iqüghai lo, eno Ni ye Alhou kepi ithilo. Shiyeqo gholo I je süqhe nani, ayeghi lo I je süqhe nani!”

LESHELE 119:73

O u no ni lhoe eno I pesü kogheküghü kivi shi tsüe; vethakulu I tsülo eno ni ye O zakütsüqo shikalu nani.

Ephesiami 2:10

Kughengu Alhou ye ningu pelo Khristo Jisü gholono Pa no azünatha kughu püake toi akümla kivi mlalu eno tipa lalo cheche peniye ningu pulhosüe, ikehu ningu ye Paw kütshakügha kümla ke.

John 17:3

Lhokta küxü ye hike: panongu no kuchou Lhou O likhi akeu ithi, eno Nono puwukeu Jisü ithikeu noke.

1 John 5:20

Ningu no ithi akeu ye Alhou Nu no ighi püzü vethakulu pesü ningu tsü püani, tishianguno Khuu no kuchou keno ningu no ithi peniye ke, eno ningu ye Khuu no kuchou keno Pa lau, Pa Nu Jisü Khristo lau kimepe anie. Pa ye kuchou Lhou eno lhokta küxüe.

1 Peter 4:19

Tighenguno, khunono Alhou pulou kiqi lono ime cheni keno pano ngulho pesü pükhübekulupu Lhoküsüu lau kulhuqhive tsü ghi akivi mlalo.

LESHELE 149:2

Israel pelo Pa Pulhoküsüu lau amlokiqi shipelo; Zion tianuli pelo pano kükau lau alokiqi shipelo!

ZAKINIU 4:39

Tighenguno ishi tsala lo hi ithi no nongu mlo lo qhilulo, Ampeu ye kungugha lo eno ayeghi lo Alhou ke; kütami khumu kühae.

ZAKINIU 4:35

Nongu lau hi piye keu ye, nongu pelo Ampeu ye Alhou kepi ithi peniye ke; Pa nguno kütami ye khumu kühae.

1 Peter 2:25

Kughengu nongu ye ala vepimi wuvekeu mbe toi cheke, ikemu itehi ye nongu ngulho Kheu eno Jukükütsüu lau idechile ighivae.

LESHELE 79:13

Ikemu ningu Ow timi, O tsüni kümtsha lo ambeqo ye alholo shikimthi keu O tsüni; tiqheli tiqheli kutolo ningu no O shekiqhe le pheni.

2 Kor. 4:6

Kughengu, “Aküzü lono aküvü vüipeghi lo,” ipikeu Lhou no Jisü Khristo gilo Alhou juküvü kighithi küvü tsünike ghenguno ni mlo lo yepüvü tsüke.

LESHELE 78:52

Tithiu Pa no Paw timiqo ambe toi saphe sawu eno yenguyike-a lo ambe loji toi ala kiche sasü wuve.

EZEKEL 34:11

“Kughengu Ampeu Alhou no ishi piani: Julo, I no, Ni ampi no I mbeqo phuwu nani eno panoqo juwu nani.

JEREMIYA 10:10

Ikemu Ampeu ye kuchou Lhou; Pa ye aküxüpu Lhou eno lhokta Kükau. Pa loghu lono ayeghi itha cheni, eno Pa no amloide kelo shiyeqo ye puqhelu chemoe.

ISAIAH 63:19

Ningu ye No ye khilemu ni shou ayepe püaghimo kemi toivae, eno O je vecheo ku püaghimo kemi toivae.

ISAIAH 63:11

Ikemu Pa no wovekeu tsalaqo kümsüchilelue, ti ye Moses eno pa gholo kichemiqo. Khuu no ambe khemi gholono lhoxü lojiqo sasü azüghi mta lono ipeghi keno, Pa khilehi ani kea? Panoqo mta dolo Pa Ghungu Kimthe sütsü keu ye khile ani kea?

KUKAMI AKINIU 19:19

Ikehu O Ampeu, ni Lhou, kimiyeno pa u lono ni xaphe tsülo, tishianguno ayeghi lo kükaqha kümtsü no O likhi no Ampeu Alhou kepi ithi nani.”

ZAKINIU 7:9

Tighenguno Ampeu nongu Lhou ye Alhou kepi ithilo, khunono Pa kimiye eno Pa zakütsü peluni keno, tiqheli qhethonhe kutolo Paw puloshoqhi eno iqemokeu kikimiye piye chekeu pükhübekulu Lhou ke,

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

YETSAPIU 12:1

Nono lhothemi shiaphi lono, aküzü tsalaqo sholu mphi lono, eno nono, “Ni ye aküxü azüzüvae,” ipiuve kepu ghuloki ighi mphi lono o Lhoküsüu ghi kümsülu lo,

LESHELE 95:3

Kughengu Ampeu ye akughushu Lhou, eno alhou kümtsü shou akughushu Kükau ke.

LESHELE 12:4

“Ningu mili vecheo nino toluve nani, ni kichi no ni gholo ani; ni shou ampeu ye khuu kea?”

JOB 10:3

O u lo kümla ye jukünatha, kixikilami kukughu lou azüvü, eno I qoda keu no O pulou kea?

IPEKULU 6:7

Iw timi shinike I no nongu ikhiluve nani, eno I no nongu Lhou shive nani, eno nongu no Ni ye Ampeu nongu Lhou, Egyptmi makho kimshi lono nongu saipeghi keu kepi Ni ithi nani.

ZAKINIU 32:6

Nongu mbomzü eno akükümsü küha keqo, hitoi Ampeu lochileni keshea? Pa ye nongu Papu, Pulhoküsüu, nongu iqhikumto tsüke kumo?

ZAKINIU 32:15

“Ikemu Jeshurun no chhikhoive kelo hebideuve; nongu no atha pubeyi, chhikhoi, eno athinibeive; tileno pa no pa lhokeu Lhou pheve, eno xakulupu Tuqu thogha ke.

YEKIKITHI ATUGHIU 16:14

Pa ye Ampeu ni Lhou; Paw küghakütha ye ayeghiqha kümtsü ghenguno ke.

ISAIAH 64:7

Milakhi mu O lau ighamku moe, eno milakhimu O süije nike wumoe, kughengu Nono ni launo itshüvae eno ni pelo ni xine lo tsüma auve peke.