KUKAMI ATUGHIU 8:9 - Sumi Naga CL (Re-edited) Bible (BSI)

⁹ Puloshoqhi bohu alou kütau ye kiumu küha, ikemu panongu no Egypt lono ipeghi kethiu, Ampeu no Israelmi sasü Puloshoqhi shikeu-a, Horeb lono Moses no atupha kini sükeu likhi ae.

BAIBEL (BSI)

⁹ Puloshoqhi Bohu alouye kutau ye kumu kuha, ikemu Muse no Sinai to lono sughikeu AMPEU no Israilmi sasu Puloshoqhi shikeu tsa panonguno Ijip lono ipeghive kethiuno yekeu tsa tupha kini likhi ae.

KUKAMI ATUGHIU 8:9 Referans Kwoze

IPEKULU 25:21

Eno akünha ye puloshoqhi bohu kütsüqa lo qhini, eno puloshoqhi bohu lo I no o tsüniye akeu zakütsü pesü nono ashepe lakhi shi qhini.

IBRIMI 9:4

tile tsüngqüi keu kiptia ameshoyi no shikeu ngo puloshoqhi bohu ameshoyi no ako kümtsü küzüve keu ache, tipau alou ameshoyi bohu lo manna süpüa, Aaron küsü anipa ishe ipeghive keu, eno atulupha kini lo puloshoqhi tsa yepe qhikeu ache.

IPEKULU 40:20

Pa no ashepe tu ikhipe puloshoqhi bohu lo süve, eno akipesüqo pesü puloshoqhi bohu lo xisüve no akünha pesü tipau nhave.

YEKIKITHI AKINIU 5:10

Puloshoqhi bohu alou ye khaghi Israelmi no Egypt lono ipeche kelo Ampeu no panongu sasü Puloshoqhi shikeu, Moses no atupha kini Horeb lono süpüakeu nguno kütau ye kiumu kühae.

ZAKINIU 4:13

Pa no Paw puloshoqhi nongu vilo sheshu, nongu vilo shilo pikeu ye Azakütsü Chighi, ti ye Pa no atupha kini shou yepuku tsüe.

Piyeküsü 15:8

ikelo Alhou Nguagha eno Pa Küka jekipi launo ighikeu michhi no achineki phochighive eno kungumi tsüni u lo püsa tsüni akeu kümtsü kishekha moke kutolo milakhi mu akimthe chineki lo ilolu move.

EZEKEL 10:4

Ampeu juküvü cherub launo ikuve no achineki kulaghi küdau wuve, achineki lo khüngküsü no chhitoive, eno achebo ye Ampeu juküvü yevüqai keu no chhitoive.

KUKAMI ATUGHIU 8:21

Ampeu no ni puasüqo Egypt lono saipeghi kelono panongu sasü puloshoqhi shikeu bohu qhi penike I no a-a kutope qhive tsüae.”

ZAKINIU 31:26

“Ayezah kaku hipau ikhipe Ampeu nongu Lhouw Puloshoqhi bohu phivilo qhilo, tishianguno tino Paw timiqo shou thopi shinani.

AKIKIHI 17:10

Ampeu no Moses vilo pi, “Hekibidemi ghenguno amchipu shi ghi Aaron küsü ikhichile süwo Puloshoqhi bohu zülo qhilo, tishianguno panongu kümchho tave peni, tikumo aye panongu ye thive nani.”

AKIKIHI 9:15

Aphiki shiluke tsalani khüngküsü no Puloshoqhi bohu kiqhi-a küzüpho luve. Avelau no Aphiki shou ipeghi keu huno thanau inaqhe kutolo ami toi ngove.

ACHINE 16:2

eno pi, “O mu Aaron vilo ado kümtsü lo nhaqhiphi thiu Akimthe-a lo Puloshoqhi bohu shou kimiyekini lakhü zülo ighi kevilo pilo, tishikeu lono pa ye thimo nani. Kughengu Ni ye tipa shou khüngküsü lono ipeghi nani.

IPEKULU 16:33

Moses no Aaron vilo pi, “Abohu lakhi ikhilulo, eno no shelo tiqhelimi sala qhitsü kepushi tile manna ashoghi lakhi süno pesü Ampeu zülo qhitsülo.”

IPEKULU 16:10

Aaron no Israelmi qoaho kümtsü pütsa khavi, panongu no asayeqha küdau jupuwu, eno julo, khüngküsü lono Ampeu juküvü ipeghi.

IPEKULU 14:24

Eno tsüthoni ke zülo Ampeu no ami ngo khüngküsü tsükucho dolono Egypt ghüshimi lau jupiqi eno panoqo pesü phiküghüzüve tsü,

IPEKULU 13:21

Ampeu no panongu la kiche tsüniye puchou no khüngküsü tsükucho shi panoqo züu wu, eno putho lono aküvü tsüniye ami tsükucho shi, tishianguno panoqo pelo tsüküvü lo eno tsüküzü lo ghi chewulu peniye ke.

IPEKULU 25:16

Eno I no o tsüniye akeu zakütsü pesü abohu lo ashepe lakhi shi qhini.

YEKIKITHI AKINIU 5:9

Akipesüqo ye kushuo kehu Shishe Akimthe-a khalau no pishipuwo ashe ithulu, ikemu Akimthe-a nguno khalau ye ithumlae; tipau ye ishi kutolo tile achephi.