KUKAMI ATUGHIU 8:48 - Sumi Naga CL (Re-edited) Bible (BSI)

⁴⁸ tsala panongu küghaluve kemi yeghi lono panongu no kuchou no amlo eno akükümsü kümtsü xaide no Nono ni puasüqo tsükeu yeghi, Nono kishelu keu phughi hipau, eno I no O ghenguno mla tsükeu ki küdau juno inikhu aye,

BAIBEL (BSI)

⁴⁸ Tsala tipa yeghi lono panonguno kuchouno amlo xaideghino ayeghi nono nipu asunoqo tsukeu eno aphughi hipauye nono kishephelu keu eno akumllaki hipauye ino oghenguno mlatsue, ike tikudau juno inikhuaye,

KUKAMI ATUGHIU 8:48 Referans Kwoze

DANIEL 6:10

Kughou Daniel no kiyepa lo jemchi süvae pi ithive keno, pa ye pa ki kunguu chebo lo alasheqo Jerusalem küdau khaqhipe qhi chekeu lo ikuve. Pa no azüu shiche ketoi, atsala lo ghuthu küthü qhoqhünhe no akighini shi eno pa Lhou zülo shikimthi tsüe.

ZAKINIU 4:29

Ikemu tilauno nongu no Ampeu nongu Lhou phu nani, eno nongu no amlo eno angulho kuchopu pesü Pa phu aye phulu nani.

JONAH 2:4

Ikehu I no pi, ‘O nhethe lono I küghape hapupovae; ikeghi O kimthe chineki shou I no jupuku anani.’

NEHEMIA 1:9

Ikemu nongu no I lau tsüghü ighi no I zakütsüqo pelu aye, nongu dolo hapheve kemi no atsütsü shekha lo wuve aghi namu, tilauno I no panongu sachile ighi nani eno I je pesü tile apeniye kisheluve ke-a lo panongu hekütsüpe qhinani.’

Rommi 10:10

Kughengu amlo no pülü lupe eno Alhou lau achipikalupe cheni, eno akichi no piphetsü no xaluvepe cheni.

Apostolmi 8:36

Pama no wuche kelo azü ake-a lo ighi, eno shoko huno pi, “Julo, azü hi ani! I no baptiz shinike kiuala no I lakha kepu anio?”

DANIEL 9:13

Moses Yezah lo yepüake toi, amhekiqi hipaqo kümtsü ningu shou ikughivae; tishimu ningu ye Ampeu ni Lhouw kikimiye qhüiniju ighimo eno ni kipimi xine lono tsüghüve no Ow kuchou vecheo vethakulu ithi küphalu move.

JEREMIYA 24:7

I no panoqo pelo Ni ye Ampeu kepi ithi kepu mlo panongu tsünani, tishino panongu no Iw timi shi eno I no panongu Lhou shi nani, kughengu panongu ye amlo kuchopu no I lau xaide ighi nanie.

JEREMIYA 3:10

Ikeghi li tsünipu Judah no pishikiqhi kümla shi anamu li mlo kuchopu pesü I lau ideighi mono ighike ye shike, ipi Ampeu no asheshu.”

AHOLE 23:26

I nu, o mlo I tsülo, eno o nhethi no I no xüchekeu laghi chheju lo.

LESHELE 119:145

I mlo kuchopu no O ku ani; O Ampeu, I khochile lo! I no O zakütsü papeni.

LESHELE 119:10

I mlo kuchopu pesü I no O phucheni; I pelo O zakütsüqo launo itsüsü wuvepe kevilo!

LESHELE 119:2

Khunono Pa yezahqo pape lucheni, pano mlo kuchopu no Pa phucheni keno alokivipue,

KUKAMI ATUGHIU 8:49

O kungo-a kungugha lono ini tsüno pano vehupu shitsülo.

DANIEL 9:5

ningu no axine shivae, pimivae, kixikila kümla shivae eno hebidevae, O yezah eno O khuaye lono tsüghüvae.

ZEKHARIA 10:9

I no shiyeqo gholo panongu hale puwuve namu putou ghakhu lono panongu no I kümsülu nani, eno pano tianuli sasü panongu no aküxü achili shi ideighi nani.

ACHINE 26:40

“Ikemu panongu no pano eno pano puasü pishikiqhi xine I shou shikeu eno I hebide keu piphe aye,

KUKAMI ATUGHIU 8:33

“Ow timi Israelmi no O zülo axine shike ghenguno pano ghümi zülo tomlave aye, eno panongu no aki hipau lo O lau ighi no O je kulu no akighini lono O lau ighamku aye,

KUKAMI AKINIU 23:25

Pa züu kükami khumu Moses Yezah lo thokha akeu kiqi lono, amlo, angulho, eno akumto kümtsü pesü, Ampeu lau tsüghü ighimoe, eno pa thiumu khumu pa toike ipeghi moe.

DANIEL 6:11

Tileno timi hipaqo no aqoshi ighi no Daniel no pa Lhou lau qhüiniju inikhu akeu ithuluve.