KUKAMI ATUGHIU 8:40 - Sumi Naga CL (Re-edited) Bible (BSI)

⁴⁰ tishikeu lono, Nono ni puasüqo tsükeu yeghi lo Ow timiqo no xüake tivilo O sümsa ghi ache penie.

BAIBEL (BSI)

⁴⁰ Kughengu tishi keu lono nono khilehi ayeghi nipu asunoqo tsukeno owu timiqo pelono aghuloki kumtsulo tipa yeghilo ake tivilo oghokulu shilu pelo.”

KUKAMI ATUGHIU 8:40 Referans Kwoze

LESHELE 130:4

Ikemu O lau ye akipimi qhikütsü ani, tishino O sümsa peniye ke.

Piyeküsü 19:5

Eno kükalakhü lono asütsa lakhi no ishi pi, “Nongu Alhou qemi, Pa msaqhiyi chekemi, kijemi kitilami kümtsü no ni Lhou sheqhelo.”

Piyeküsü 15:4

Khuu no O msa moni eno O jepipi moni kea O Ampeu? Kughengu O likhi no akimthe ke. Shiye kümtsü ighi no O mlla nani, kughengu O chipiu mikucho kümla ye pephe piyevae.”

IBRIMI 12:28

Tighenguno ningu süküghütha mlakeu yekipe ithulu ke ghenguno shikimthi ani nolo, tishikeu lono msaighü qhiyi Alhou lau ikhikulupu kümlla shini nolo,

Apostolmi 10:2

Pa ye Alhou ithitoi eno pa kibo kümtsü Alhou sümsa chekemi, kumlhomi kuphu eno tamono Alhou vilo inikhu chekemi.

HOSIYA 3:5

Tithiuno Israel tianuliqo no ideighi no Ampeu pano Lhou eno pano kükau David phu nani, eno ashekha ghuloki lo panongu no Ampeu sükümsa eno Pa kivi küdau ighi nani.

LESHELE 115:13

Kitilami shi aghina kijemi shi aghi namu Ampeu sümsa chekemi ye Pa no kümghatsü nani.

SAMUEL ATUGHIU 12:24

Ampeu sümsake likhi shilo eno nongu mlo kuchopu no pükhü kulupu shi Pa qelo. Kughengu Pa no thime kije kiu nongu ghenguno mlatsü keno kümsüju lo.

ZAKINIU 6:13

Ampeu nongu Lhou sümsa lo, Pa likhi huthu lo eno Pa je lo likhino tushoqhi lo.

ZAKINIU 6:2

tishianguno nongu eno nongu nuli ngo atilimi no akhuaye ngo azakütsü I no nongu tsü akeu pelu no aküxü tivilo Ampeu nongu Lhou sümsa eno axüshulu peniye ke.

IPEKULU 20:20

Moses no timiqo vilo pi, “Msa kevilo, kughengu Alhou ye nongu pejuni ye ighi ani, tishikeu lono nongu lolo Pa sümsa keu apeniye ke, tishianguno nongu no axine shimo nani.”

BOTHUBO 22:12

Pa no pi, “O nu shou o u be kevilo momu pa lau kiumu shi kevilo, kughengu nono I launo o nu lakhi likhi akeu süchile move keu ithulu kelo no ye Alhou sümsa chenie pi itehi ye I no ithivae.”

Apostolmi 9:31

Judea, Galilee, eno Samaria qha kümtsü lo akukuhou ye iqüghai keu do sholu eno shikumtolu ae. Ampeu sükümsa lono chewu eno Aghungu Kimthe no shikumto keu vecheo ikowolu.

ZAKINIU 12:1

“Ampeu nongu puasüqo Lhou no nongu tsüakeu yeghi lo ilo kelo, nongu no xüake tivilo akhuaye ngo pimheye hipaqo pelu lo.

KUKAMI ATUGHIU 8:39

O kungo-a kungugha lono ini tsüno akipimi qhitsü lo eno pütüta mlo Nono ithi akeu kiqi lono panongu lau mla tsülo (kughengu O likhi no timi kümtsü mlo ithi anie),

KUKAMI ATUGHIU 8:41

“Titoi inami ow timi Israelmi kumo kemu aghakhu kushuo lono O je ghenguno ighi kelo,

JOSHUA 4:24

tishikeu lono ayeghilomi kümtsü no Ampeu küka ye akumto kepi ithi eno nongu pelo Ampeu nongu Lhou alhokuthu sümsache peniye ke.”