KUKAMI ATUGHIU 8:35 - Sumi Naga CL (Re-edited) Bible (BSI)

³⁵ “Ow timiqo no O zülo axine shive kehu atsütsü lakhave tsüno tsüghu move aye, eno panongu no axine lono ideighi no a-a hipau küdau juno inikhu no O je kulu aye,

BAIBEL (BSI)

³⁵ Owu timiqono omithighi axine shiveke ghenguno kughou nono tsutsughu lakhaveni keno panonguno amlo xaideghino Akumllaki hipau lau jupuwono, akumtsha shi ovilo inikhu aye

KUKAMI ATUGHIU 8:35 Referans Kwoze

KUKAMI ATUGHIU 8:33

“Ow timi Israelmi no O zülo axine shike ghenguno pano ghümi zülo tomlave aye, eno panongu no aki hipau lo O lau ighi no O je kulu no akighini lono O lau ighamku aye,

ZAKINIU 11:17

tikumo aye, Ampeu no nongu shou amloideve no tsütsüghu süchile luve no ayeghi no axathi pithi move nani, eno nongu ye Ampeu no nongu tsüniye akeu aghüma kivi yeghi lono pai püghave nani.

ACHINE 26:19

I no nongu qheküza shipühave tsü nani, atsütsü no tsüghu move no ayi kümka toi eno ayeghi no alazayi toive nani.

Piyeküsü 11:6

Pama ye atsütsü khaluve kepu küka ani, tishikeu lono pama no tungkuptsa piake tivilo tsüghu move nani, pama ye azüghizü pesü aji kughulhove kepu küka ghi ani, eno pama pulou lono püsa jeli pesü ayeghi shou vepukulu kepu küka ghi ani.

Luke 4:25

Ikemu kuchou loye, I no pi anino Elijah ghuloki lo, kughou atsütsü no ampe küthü no aqhi tsügho khave püzü püqümiye kije ighi keno, chimemi kutomo Israel lo ache kelo,

SAMUEL AKINIU 24:13

Gad no David lau ighi no pi, “O ghakhu lo ampe küthü püqümiye ighi peni keo? Moaye aqhi küthü o ghümi no haqhi no panoqo zülono poni keo? Ikeo atsala küthü o ghakhu lo püsa ighi peni kea? Kümsüju no ni ye I puwu keu vilo kiu khokichile tsüni keno xathalo.”

Rommi 15:9

tishino Jewkumomi pelo Alhouw küpükini ithulu ke ghenguno Pa juküvüpu shi peniye ke. Ti ye ishi yepüa keu kiqi lono, “Ikehu I no Jewkumomi gholono O sheqhe eno O je shipilini.”

Rommi 10:9

kughengu nono Jisü ye Ampeu kepi o kichi lono piphelu eno Alhou no akithi lono Pa xüputhu kepi o mlo lono pülülu aye, no ye xaluve nani.

MALAKI 3:10

Chighi saje kümtsü Iw pekükütsüki lo süghilo, tishianguno I ki lo achuqupu apenie. Tithiuno I no nongu ghenguno atsütsü lashe khaqhi tsüno nongu no lukümkha shimoke kutolo kükümgha lepiqi tsü nani mala I pejulo, aqokitikhi Mpeu no pi.

HOSIYA 14:1

Ampeu o Lhou lau ideighilo, O Israel, kughengu no ye o xine ghenguno küpxavae.

EZEKEL 14:13

“Timi nu, kughou aküpülü küküha kümla vecheo ayeghi no I hebide ghi axine shini keno, I no tipau lachile ghi I u süqhe nani eno tipau lo chuqu-kusho süghi chekeu lakhave tsüno püqümiye puwu nani, eno tipau lono timi eno tüghashi pithive nani,

ISAIAH 9:13

Ikemu timiqo no aqokitikhi MPEU, pano ghime keu lau xaidemo eno inijumoe.

YEKIKITHI AKINIU 6:26

“Kughou panongu no O zülo axine shive kehu atsütsü lono tsütsüghu lakhave, eno Nono panongu ghime kehu panongu no pano xine lono ideighini keno, panongu no a-a hipau lono akighini shi aye, eno O je kulu aye,

YEKIKITHI AKINIU 6:24

“Ow timi Israelmi no O zülo axine shiveke ghenguno pano ghümi zülo tomlave, eno aki hipau lono panongu no O lau ideighi no O je kulu, eno akighini lono O lau ighamku aye,

KUKAMI ATUGHIU 17:1

Gilead lo Tishbemi Elijah no Ahab vilo pi, “Ampeu Israel Lhou xüküau, I no huthu chekeu je lono pi ani, I tsa lono kumo aye, hithiu ampe hami dolo atsüzü na tsütsüghu namu ighimoae.”

ZAKINIU 28:12

Ampeu no Pa küakini ki nongu lau khaqhitsü nani, atsütsü lono atusho achipi lono tsütsüghu piqitsü nani, eno nongu kümla kümtsü kümghatsü nani, tishikeu lono nongu ye shiye kutomo lau püna nani ikemu kütami launo nalumo nani.

ZAKINIU 11:16

Nongu mlo pishiqhive nosa, eno tsüghüsü kütau lhouqo mlla eno qeuve nosake kutokupui lo;

SAMUEL AKINIU 24:10

Ikemu timi kikihi luve kethiu David lolo alokughuno kühave. Eno pa no Ampeu vilo pi, “I no kiu shive akeno ti ye axine kije shivae. Ikemu O Ampeu, itehi kimiyeno O qeu kipimi peve tsülo, kughengu I no ighono mbomzü shivae.”

KUKAMI ATUGHIU 8:34

kungugha lono chilu tsüno Ow timi Israelmi xine qhive tsülo eno panongu sasü pano puasü tsükeu yeghi lo saghi tsülo.

JOB 12:15

Pa no azü khatha luve aye, ayeghi ye qhaive cheni, Pa no phepuwuve aye tino ayeghi yimive cheni.

ISAIAH 5:6

I no tipau pesü asüligha shiveni; ti ye kixiphemo momu hokide moae ikemu aghüsahu ngo alupi no itsüve peni; I no khüngküsü ghi azah tsüno tile ghuqhi pemoni.

HAGAYI 1:10

Tighenguno nongu sholo atsütsü no atsüzü süchilevae, eno ayeghi no pithilu pemovae.

ZEKHARIA 14:17

Ayeghi lo khuno shiaye no Jerusalem lo Akükau, aqokitikhi Mpeu mllani ke ighi moni keno, pano lau tsütsüghu ighi move nani.